বটদ্ৰৱাৰ দলংঘাট বৰমণিপুৰস্থিত ষষ্ঠদশ অসম আৰক্ষী বাহিনীৰ কেম্পত আৰক্ষী সঞ্চালক প্ৰধান ভাস্কৰ জ্যোতি মহন্ত। আৰক্ষী চাউনীত অসমৰ প্ৰথম ১০ খন বিছনাযুক্ত ক’ভিড চিকিৎসালয়ৰ শুভৰাম্ভণি।

নগাঁও : ৰাজ্যত ক’ভিড-১৯ ৰ ভয়াবহতাৰ প্ৰতি লক্ষ্য ৰাখি ষষ্ঠদশ অসম আমি লগতে ৱৰক্ষী বাহিনীয়ে হাতত লৈছে সুন্দৰ পদক্ষেপ। মৰিগাঁও জিলাৰ বৰমণিপুৰস্থিত ষষ্ঠদশ অসম আৰক্ষী বাহিনীৰ চাউনীৰ ভিতৰতে ষষ্ঠদশ অসম আৰক্ষী বাহিনীৰ অধিনায়ক অৰ্ণৱ ডেকাৰ উদ্যোগত নৱনিৰ্মিত ১০ খন বিছনাযুক্ত ক’ভিড ১৯ চিকিৎসালয়খন মঙ্গলবাৰে আনুষ্ঠানিক ভাৱে মুকলি কৰে আৰক্ষী সঞ্চালক প্ৰধান ভাস্কৰ জ্যোতি মহন্তই। উল্লেখযোগ্য যে, কোভিড-১৯ আক্ৰান্ত আৰক্ষীৰ লোকক এই চিকিৎসালয়ত চিকিৎসা প্ৰদান কৰা হব। চিকিৎসালয় মুকলি অনুষ্ঠানত আজি ডি আই জি ব্ৰজেন জিৎ সিনহা, নগাঁও জিলাৰ আৰক্ষী অধীক্ষক অভিজিৎ গৌৰৱ আৰু মৰিগাঁও জিলাৰ আৰক্ষী অধীক্ষক নন্দ সিং বৰক’লা উপস্থিত থাকে।