ঈদৰ আনন্দ-উলাহৰ মাজত বিলাসীপাৰাত ভয়ংকৰ মাৰপিটৰ ঘটনা।(Bilasipara News)
টিলাপাৰা বজাৰত অ’টো ভাড়াক কেন্দ্ৰ কৰি সৃষ্টি হয় কুৰুক্ষেত্ৰৰ।
মাৰপিটত গুৰুতৰভাৱে আহত এজন।
সামান্য অ’টো ভাড়াকলৈ চিৰাকুটা আৰু টিলাপাৰাৰ লোকৰ মাজত সৃষ্টি হৈছিল এই ভয়ংকৰ মাৰপিটৰ ঘটনা।
সংকটজনক অৱস্থাত এজনক চাপৰৰ চিকিৎসালয়লৈ প্ৰেৰণ কৰিছে স্থানীয় ৰাইজে।
এই মাৰপিটৰ ঘটনাত কম-বেছি পৰিমাণে আঘাতপ্ৰাপ্ত হৈছে দুয়ো পক্ষৰ কেইবাজনো লোক।
সংকটজনক অৱস্থাত থকা ব্যক্তিজনৰ নাম আজিবৰ হুছেন বুলি জানিব পৰা গৈছে।
আজিবৰৰ ঘৰ আলুভূইৰ তিনটিলাত।
ঘটনাৰ পিছত উত্তেজিত ৰাইজে ভাঙি চুৰমাৰ কৰিছে ভাড়া লৈ বিতৰ্কৰ সৃষ্টি হোৱা অ’টো।
এই ভয়ংকৰ মাৰপিটৰ ঘটনাত জড়িত থকাৰ অভিযোগত তিনিজনক আটক কৰে শালকোচা আৰক্ষীয়ে।