মঙলদৈঃ
ৰাজ্যত ক্ৰমাগতভাৱে কভিড আক্ৰান্তৰ সংখ্যা বৃদ্ধিৰ সময়তে মঙলবাৰে মঙলদৈত অনুস্হিত হল মহাভৈৰৱ যজ্ঞ। ৰাজ্যত কৰণাৰ পৰা নিৰাময় আৰু স্বাস্হ্যমন্ত্ৰী ডঃহিমন্তবিশ্ব শৰ্মাৰ আৰগ্য কামনাৰে অনুসুচীত জাতি পৰিষদৰ সভাপতি তথা বিজেপি নেতা পিংকুমনি দাসৰ উদ্যোগত ৫ জনকৈ পুৰুহিতে ১০১ টাকৈ আহুতি প্ৰদান কৰে। আহুতি প্ৰদানৰ উপৰিও সন্ধিয়ালৈ পশ্চিম মঙলদৈত ঘৰে ঘৰে বন্তি প্ৰজ্বলনৰো দিহা কৰে তেওঁলোকে। স্বাভাৱিকতে একাংশ বৈজ্ঞানিকে দিনে ৰাতি একাকাৰ কৰি কৰ’ণা ভেকচিনৰ গৱেষণাত ব্যস্ত থকাৰ সময়তে পৰম্পৰাগতভাৱে বিজেপি নেতা কৰ্মীয়ে মহাভৈৰৱ যজ্ঞ অনুস্হিত কৰাটো তাৎপৰ্যপূৰ্ণ। যজ্ঞত ১০১ টা আহুতি প্ৰদান কৰি যজ্ঞত উপস্থিত সকলোৱে কৰ’না নিৰাময়ৰ লগতে কৰ’না যোদ্ধাৰ প্ৰধান সেনাপতি স্বাস্থ্যমন্ত্ৰী হিমন্ত বিশ্ব শৰ্মাৰ আশু আৰোগ্য কামনা কৰে৷