ভাৰতীয় জনতা পাৰ্টি চমুকৈ বিজেপিৰ ভগ্নী সংগঠন অসম ৰাজ্যিক মহিলা মৰ্চাৰ তৃতীয় কাৰ্যনিৰ্বাহক সভাখন আজি ৪ছেপ্টেম্বৰত দিনটো জোৰা বিভিন্ন কাৰ্যসূচীৰে অনুষ্ঠিত হ’ব।সেইমতে আজি ৰাতিপুৱা ৯:০০বজাত দলীয় পতাকা উত্তোলন কৰিব ৰাজ্যিক সভানেত্ৰী আঙুৰলতা ডেকাই।ইয়াৰ পিছত বৃক্ষৰোপন ,ভাৰতমাতা আৰু পণ্ডিত দীনদয়াল উপাধ্যায় লগতে ডঃ শ্যামাপ্ৰসাদ মুখাৰ্জীৰ প্ৰতিচ্ছবিত বন্তি প্ৰজ্বলন কৰিব।আৰু অতিথিসকলৰ আসন গ্ৰহণৰ পিছত বন্দে মাতৰম, অতিথি সকলৰ সম্ভাষণ আৰু ৰাজ্যিক কোষাধ্যক্ষ উপাসনা বৰাৰ কণ্ঠত বৰগীত পৰিৱেশন কৰিব।সভাৰ আগত আদৰণি ভাষণ দিব জিলা সভানেত্ৰী হিমানী অধিকাৰীয়ে।
আৰু সভাৰ প্ৰস্তাৱিত ভাষণ দিব ৰাজ্যিক সভানেত্ৰী আঙুৰলতা ডেকাই উক্ত সভাত ভাষণ দিব সাংগঠনিক সম্পাদক ফণীন্দ্ৰ নাথ শৰ্মা,ৰাজ্যিক সভাপতি ভবেশ কলিতা ,কেন্দ্ৰীয় মন্ত্ৰী ৰামেশ্বৰ তেলী আদিয়ে।ইয়াৰ পিছত ভাৰতীয় জনতা পাৰ্টিৰ নীতি আৰু আদৰ্শৰ ওপৰত বক্তৃতা প্ৰতিযোগিতা অনুষ্ঠিত হ’ব বুলি আজি বিজেপি ৰাজ্যিক মহিলা মৰ্চাৰ সভানেত্ৰী আঙুৰলতা ডেকাই এক সংবাদমেলত প্ৰকাশ কৰে।