অনলাইন বাৰ্তা, ৪ ডিচেম্বৰ : ভাৰতীয় জনতা পাৰ্টি গুৱাহাটী মহানগৰ জিলা স্বচ্ছ ভাৰত অভিযান কোষে আজি ভেটাপাৰা বৰসজাই উচ্চ মাধ্যমিক বিদ্যালয়ত স্বচ্ছতা অভিযানৰ কাৰ্যসূচী ৰুপায়ন কৰে ৷ পূৱা ৮ বজাত আৰম্ভ কৰা চাফাই কাৰ্য্যসূচীত গুৱাহাটী মহানগৰ জিলা সভাপতি মৃগেন শৰনীয়া, ৰাজধানী মন্ডলৰ সভাপতি জিতু হাজৰিকা, মহানগৰ জিলাৰ স্বচ্ছ ভাৰত অভিযান কোষৰ আহ্বায়ক মৃনাল কুমাৰ কাকতিৰ লগতে ভালেসংখ্যক সদস্যৰ উপস্থিতিত বিদ্যালয়ৰ চৌহদ এফালৰ পৰা পৰিস্কাৰ কৰা হয় ৷ সভাপতি মৃগেন শৰনীয়া সহ আটাইকেইগৰাকী সদস্যই হাতত ঝাৰু লৈ বিদ্যালয়ৰ প্ৰাংগণ পৰিস্কাৰ কৰাৰ বাবেই স্কুল কৰ্তৃপক্ষই বিজেপিৰ সদস্য সকলক ধন্যবাদ জ্ঞাপন কৰে ৷
