বকো প্ৰতিবেদক- বিগত বছৰবোৰৰ দৰে এই বৰ্ষও কামৰূপ জিলাৰ বকো ৰাজহ চক্ৰৰ অন্তৰ্গত তাৰাবাৰীত চল্লিশ সংখ্যক ৰাস মহোৎসৱ উদযাপনৰ প্ৰস্তূতি চলিছে। ৰাস মহোৎসৱ উদযাপনৰ বাবে ইতিমধ্যে তাৰাবাৰীৰ ৰাসস্থলীত আটকধুনীয়াকৈ নিৰ্মাণ কৰা হৈছে মণ্ডপ আৰু তোৰণ। বৃহত্তৰ অঞ্চলটোৰ ধৰ্মপ্ৰাণ ৰাইজৰ সহযোগত আয়োজন কৰা ৰাস মহোৎসৱ খন এই বেলি সু -পৰিচালনাৰ বাবে সমাজ কৰ্মী ধৰণী ৰাভাক সভাপতি , থুলেশ্বৰ বড়োক কাৰ্য্যকৰী সভাপতি , মনোৰঞ্জন দাসক মুখ্য সম্পাদক আৰু বিশ্বজিৎ সুত্ৰধৰক সহকাৰী সম্পাদক লগতে বহু কেইখন উপ সমিতি হিচাপে লৈ গঠন কৰা হৈছে ৰাস মহোৎসৱ উদযাপন সমিতি খন। জানিব পৰা মতে অহা ১৮ নৱেম্বৰৰ পৰা ২২ নৱেম্বৰলৈ পাছ দিনীয়াকৈ আয়োজন কৰা হৈছে ৰাস মহোৎসৱৰ। উদযাপন সমিতিৰ বিষয় ববীয়া সকলে জনোৱা মতে ইতিমধ্যেই পূজাৰ প্ৰস্তূতি পূৰ্ণগতিত চলি আছে আৰু সাজঘৰৰ কৰ্মীয়ে কাম চলাই আহিছে।
