বলীউডৰ দম্পতী ৰণবীৰ কাপুৰ আৰু আলিয়া ভাট প্ৰায়ে বাতৰিৰ শিৰোনামত থাকে। অৱশ্যে স্বামী ৰণবীৰে এক ঘটনা প্ৰকাশ কৰি অভিনেত্ৰীগৰাকীক আচৰিত কৰি তুলে। ছচিয়েল মিডিয়াত ভাইৰেল হৈ পৰিছে এই ঘটনা।
বলীউড হুংগামাই প্ৰকাশ কৰা অনুসৰি শেহতীয়াকৈ ৰণবীৰ কাপুৰে গোৱাত এখন চলচ্চিত্ৰ মহোৎসৱত অংশগ্ৰহণ কৰিছিল। সেই সময়ত অভিনেতাগৰাকীয়ে অৰ্থাৎ পত্নী আলিয়া ভাটৰ সৈতে প্ৰথম সাক্ষাৎকাৰৰ কথা কয়। তেওঁ কোৱা মতে দুয়োৰে বয়সৰ ব্যৱধান যথেষ্ট বেছি। সেয়েহে আলিয়া সৰু হৈ থাকোতে প্ৰথমবাৰৰ বাবে ৰণবীৰ কাপুৰক আলিয়াই সুধিছিল, “কিশোৰ কুমাৰ কোন?”
অনুষ্ঠানত ৰণবীৰে কেৱল আলিয়াৰ কথাই নহয়, সংস্কৃতি আৰু শিল্পৰ বিষয়েও কয়। তেওঁ কয় যে তেওঁলোকৰ সংস্কৃতি আৰু শিল্পৰ উৎস সংৰক্ষণ কৰাটো প্ৰতিটো প্ৰজন্মৰ দায়িত্ব। ৰণবীৰৰ ভাষাত ‘নিজৰ সংস্কৃতি আৰু শিল্পৰ উৎস সংৰক্ষণ কৰাটো প্ৰতিটো প্ৰজন্মৰ দায়িত্ব।’ গতিকে তেওঁলোকে সমগ্ৰ ভাৰতবৰ্ষতে ১৩ ডিচেম্বৰৰ পৰা ১৫ ডিচেম্বৰলৈ ‘ৰাজ কাপুৰ চলচ্চিত্ৰ মহোৎসৱ’ আয়োজন কৰিবলৈ ওলাইছে। এই চলচ্চিত্ৰ মহোৎসৱত প্ৰদৰ্শিত হ’ব ৰাজ কাপুৰৰ ১০খন ছবি।
ৰণবীৰে কয়, ‘আশাকৰো আপোনালোক সকলোৱে এই উৎসৱলৈ আহিব।
ৰণবীৰে কয় যে তেওঁ ৰাজ কাপুৰৰ ওপৰত এখন বায়’পিক নিৰ্মাণৰ কথাও চিন্তা কৰিছে। ইয়াৰ বাবে তেওঁ পৰিচালক সঞ্জয় লীলা ভাঞ্চালীৰ সৈতে কথা পাতিছিল। ৰাজ কাপুৰৰ ‘শ্ৰী ৪২০’ ছবিখনো পুনৰ নিৰ্মাণৰ পৰিকল্পনা কৰিছে ৰণবীৰে।