বলিউডৰ জনপ্ৰিয় অভিনেত্ৰী তথা গায়ক শ্ৰুতি হাচানে জনপ্ৰিয় ইলাষ্ট্ৰেটৰ আৰু ডুডল শিল্পী সান্তনু হাজৰিকাৰ সৈতে ডেটিং কৰি থকা বুলি জানিব পৰা গৈছে ।
অসম তথা গুৱাহাটীৰ যুৱক সান্তনু হাজৰিকা বৰ্তমান মুম্বাইত ইলাষ্ট্ৰেটৰ আৰু ডুডল শিল্পী হিচাপে কাম কৰি আছে । ২০১৪ চনৰ ৰেড বুল ডুডল আৰ্ট প্ৰতিযোগিতাত তেওঁক শ্ৰেষ্ঠ ডুডল শিল্পীৰ মুকুট পিন্ধিবলৈ সক্ষম হৈছিল।
শ্ৰুতি হাচানৰ জন্মদিনত সান্তনু হাজৰিকাই অভিনেত্ৰীগৰাকীক জন্মদিনৰ শুভেচ্ছা জনাই ছচিয়েল মিডিয়াত তেওঁলোকৰ এখন ফটো শ্বেয়াৰ কৰে । তদুপৰি, তেওঁ এটা টুইটা কৰি লিখিছিল –
“শুভ জন্মদিন ৰাজকুমাৰী”
সান্তনু হাজৰিকাই ইনষ্টাগ্ৰামত দিয়া এটা STORY নিজৰ STORYত চেয়াৰ কৰি শ্ৰুতি হাচানে লিখিছিল “মোৰ জন্মদিনক ইমান বিশেষ কৰাৰ বাবে ধন্যবাদ।”
তেওঁলোকৰ ছবি আৰু ছচিয়েল মিডিয়াত হোৱা এইসমূহ কথা বতৰাই ছচিয়েল মিডিয়া ব্যৱহাৰকাৰী সকলৰ মনোযোগ আকৰ্ষণ কৰে আৰু এতিয়া দুয়োজন বি-টাউনৰ চৰ্চাৰ বিষয় হৈ পৰিছে।
অভিনেত্ৰীগৰাকীৰ সৈতে তেওঁৰ সম্পৰ্কৰ সন্দৰ্ভত হাজৰিকাই কয়, “মই বিষয়টোৰ ওপৰত মন্তব্য কৰাৰ পৰা বিৰত থাকিব বিচাৰো কিয়নো মই ইয়াক ব্যক্তিগত ৰাখিবলৈ পছন্দ কৰোঁ।”