Book launch
যোৰহাট প্রেছ ক্লাৱত ১ছেপ্টেম্বৰত অনুষ্ঠিত এখন গাম্ভীর্যপূর্ণ গ্রন্থ উন্মোচনী সভাত যোৰহাটৰ বিশিষ্ট লেখিকা তথা গীতার্থী বিদ্যালয়ৰ অৱসৰপ্রাপ্ত প্রধান শিক্ষয়িত্রী ৰূপা ফুকনৰ ‘নগা উৎসৱ’ শীর্ষক অনুবাদ গ্ৰন্থখন উন্মোচন
Book launch
গ্ৰন্থখন উন্মোচন কৰি জনপ্রিয় বিজ্ঞান লেখিকা ড০ অদিতি বেজবৰুৱাই ভাষণ প্রসংগত কয় যে অনুবাদ এক কলা , এই কলা আয়ত্ব কৰিবৰ বাবে এগৰাকী লেখকে বহু কষ্ট স্বীকাৰ কৰিব লগা হয় ।
Book launch
সভাখনত যোৰহাটৰ অগ্ৰণী প্ৰকাশন গোষ্ঠী দিগদৰ্শন প্ৰকাশনৰ হৈ পংকজ কুমাৰ দাসে প্ৰকাশ কৰা ৰূপা ফুকনৰ আন এখন গ্ৰন্থ “আঁক-বাক” উন্মোচন কৰে বিশিষ্ট শিক্ষাবিদ বিনীতা দত্তই । গ্ৰন্থখন উন্মোচন কৰি উন্মোচক বিনীতা দত্ত কয় অসমীয়া সাহিত্যলৈ এক ব্যতিক্রমী সংযোজন হৈছে আঁক-বাক ।
Book launch
বিভিন্ন সামাজিক-সাংস্কৃতিক অনুষ্ঠানৰ সৈতে জৰিত হৈয়ো লেখিকা ৰূপা ফুকনে হাতত কলম তুলি লৈ ইতিমধ্যে বহুকেইখন গ্ৰন্থ প্রণয়ন কৰিছে। এয়া অসমীয়া সাহিত্যৰ বাবে শুভ বতৰা। বন্দিতা মৃণাই আঁত ধৰা অনুষ্ঠানত কস্তুৰী বৰাই লোকগীত, অর্পিতা শর্মাই আধুনিক গীত পৰিৱেশন কৰি সভাৰ সৌষ্ঠৱ বৃদ্ধি কৰে ।
যোৰহাট জিলা সাহিত্য সভাৰ প্রাক্তন সভাপতি ড০ ৰাতুল চন্দ্র বৰাই বিশিষ্ট অতিথি হিচাপে অংশগ্ৰহণ কৰা সভাত গ্ৰন্থ দুখনৰ লেখিকা ৰূপা ফুকনেও ভাষণ আগবঢ়াই নিজৰ অনুভৱ ব্যক্ত কৰে। সভাত যোৰহাটৰ বহুকেইগৰাকী গণ্য- মান্য ব্যক্তি উপস্থিত থাকে।
লগতে পঢ়ক :http://আৱাহন থিয়েটাৰত ফটকা ফাটি এগৰাকী মহিলা গুৰুতৰ ভাবে আহত…