বিউটি, হেয়াৰ এণ্ড মেকআপ প্ৰতিযোগিতাত ডিব্ৰুগড়ৰ বৰ্ণালী সোণোৱাল গগৈৰ কৃতিত্ব। গুৱাহাটীৰ ৰাজধানী মছজিদত থকা চিগ্নেচাৰ ট্ৰেনিং ইনষ্টিটিউত এণ্ড আয়ুৰ্বেদা ইনষ্টিটিউতৰ উদ্যোগত অনুষ্ঠিত হোৱা বিউটি, হেয়াৰ এণ্ড মেকআপ প্ৰতিযোগিতাত ডিব্ৰুগড় মোহনবাৰীৰ বৰ্ণালী সোণোৱাল গগৈ বিজয়ী হৈছে।(Bornali Sonowal Gogoi)
‘ফেচিয়েল’ শাখাত বিজয়ী হোৱা বৰ্ণালী গুৱাহাটীস্থিত চিগ্নেচাৰ টি চি এ আই একাডেমীৰ ছাত্ৰী।১৯৯৮ চনৰ পৰা নৰ্থ-ইষ্ট ভিত্তিত অনুষ্ঠিত হৈ থকা চিগ্নেচাৰ এৱাৰ্ডত সফলতা লাভ কৰা কলাকুশলী গৰাকীয়ে সৌন্দৰ্য বিশেষজ্ঞ ড° মধুমীতা শইকীয়াৰ তত্বাবধানত প্ৰশিক্ষণ লৈ আছে।
দিছপুৰ পি ডব্লিউ ডি হ’লত অনুষ্ঠিত হোৱা প্ৰতিযোগিতাখনিত বৰ্ণালীয়ে প্ৰথমস্থান দখল কৰি ট্ৰফী , মানপত্ৰ সহিতে পঞ্চাশ হাজাৰ টকা মূল্যৰ উপহাৰ লাভ কৰিবলৈ সক্ষম হয়। সফলতাৰ বাবে স্বামী ৰাহুল গগৈক বিশেষভাৱে কৃতজ্ঞতা জনোৱা প্ৰতিভাসম্পন্ন মেকআপ আৰ্টিষ্ট গৰাকী পিতৃ হোমেন্দ্ৰ নাথ সোণোৱাল আৰু প্ৰয়াত মাতৃ লক্ষীতৰা সোণোৱালৰ সুযোগ্যা সন্তান।
উল্লেখ যে উত্তৰ পূৰ্বাঞ্চল ভিত্তিত অনুষ্ঠিত হোৱা প্ৰতিযোগিতাখনত শতাধিক প্ৰতিযোগীৰ অংশগ্ৰহণে অনুষ্ঠানখনৰ সৌষ্ঠৱতা বৃদ্ধি কৰে। মানব কুমাৰ ডেকা।