১২ ডিচেম্বৰ, ২০২৪ । Brahmaputra। ব্ৰহ্মপুত্ৰৰ বুকুত এতিয়া চলিছে ঘোঁৰাগাড়ী আৰু খোজ কাঢ়িছে মানুহ।
ধুবুৰীত ভয়ংকৰ ভাৱে শুকাইছে ব্ৰহ্মপুত্ৰৰ পানী। মৰুভূমিৰ সদৃশ্য হৈ পৰা এই বিশাল বালি চৰত এতিয়া চলিছে চাৰিচকীয়া বাহন, ট্ৰেক্টৰ আৰু ঘোঁৰাগাড়ী। ক্ৰমাৎ শুকাই গৈছে বাৰিষাত ভয়ংকৰ ৰূপধাৰণ কৰা ব্ৰহ্মপুত্ৰৰ পক্ষ। সুজলা শুৱলা শয্য শামলা অসমৰ আয়ু ৰেখা স্বৰূপ ব্ৰহ্মপুত্ৰ শুকাই যোৱা বৃদ্ধি পাইছে উদ্ধেগ।
ধুবুৰীত কেইবাবছৰ ধৰি এনে ছবিয়ে চিন্তনীয় কৰি তুলিছে প্ৰকৃতি প্ৰেমী তথা সচেতন লোক সকলক। অতি বিপদজনক ভাবে হ্ৰাস পাইছে অসমৰ ভূ-গৰ্ভৰ জলস্তৰ। বিগত এটা দশকৰ ব্যৱধানত অসমৰ ভূগৰ্ভৰ ৮০০ কোটি ঘন মিটাৰ পানী হ্রাস পাইছে। কেন্দ্ৰৰ ভূ গৰ্ভৰ জলস্তৰ বৰ্ডৰ সমীক্ষাৰ প্ৰকাশ পোৱা মতে ২০১৩ চনত অসমৰ ভূগর্ভস্থ জলস্তৰ আছিল ২৮.৯ বিলিয়ন কিউবিক মিটাৰ।
এই জলধাৰা প্ৰতিবছৰে হ্ৰাস পাব ধৰিছে। সেই অনুসৰি ২০১৭ চনত ভূগর্ভস্থ জল ২৪.২৬ বিলিয়ন কিউবিক মিটাৰলৈ হ্রাস পোৱাৰ বিপৰীতে ২০২২ চনত ২১.৪ বিলিয়ন কিউবিক মিটাৰলৈ নিম্নগামী হয়। কেন্দ্ৰৰ ভূ গৰ্ভৰ জলস্তৰ বৰ্ডৰ শেহতীয়াকৈ সমীক্ষাৰ প্ৰকাশ পোৱা মতে দহ বছৰৰ ব্যৱধানত অৰ্থাৎ ২০২৩ চনত ভূগৰ্ভৰ জলৰাশি ২০.৯৩ বিলিয়ন কিউবিক মিটাৰলৈ হ্রাস পালে। ব্ৰহ্মপুত্ৰ বুকু শুকাই যোৱাত ধুবুৰীত ফেৰী নাও আহিবলগীয়া দক্ষিণ পাৰৰ ফকিৰগঞ্জ, জলেশ্বৰ, ফুলবাৰী, হাট শিঙিমাৰী আদি অঞ্চলৰ ফেৰী নাও সমূহ চলাচল বন্ধ হৈ পৰিছে। ফলত দক্ষিণ পাৰ তথা বিভিন্ন চৰাঞ্চলৰ যাত্ৰী সকলৰ চৰম অসুবিধাৰ সন্মুখীন হৈ পৰিছে। লগতে এই ব্ৰহ্মপুত্ৰ বুকু ভয়ংকৰ ভাবে শুকাই বালি চৰ পৰাত উদ্ধেগ্ন হৈ পৰিছে ৰাইজ।
ব্ৰহ্মপুত্ৰকে ধৰি ইয়াৰ প্ৰধান নৈ উপ নৈ সমূহ শুকাই যোৱাৰ বাবেই ভূ গৰ্ভৰ পানী অভাৱনীয় হাৰত হ্ৰাস পাইছে। তদুপৰি জলবায়ু পৰিবৰ্তনৰ ফলত অসমত উদ্ধেগজনক ভাবে বৰষুণৰ পৰিমানো হ্ৰাস পাই আহিছে। কম বৰষুণৰ বাবেই অসমত বৃদ্ধি পাব ধৰিছে খৰাং। প্ৰাকৃতিক ভাৰসাম্যনত্বাৰ দিনৰ বাবেই ভূ গৰ্ভৰ জলৰাশি হ্ৰাস হব ধৰিছে বুলি কব বিচাৰে বিশেষজ্ঞ সকলে । আৰু এনে পৰিস্থিতি যদি অব্যাহত থাকে তেতিয়াহলে ইতিহাস হবগৈ নেকি ব্রহ্মপুত্ৰ নদী কেন্দ্ৰীক সভ্যতা সংস্কৃতি। সেই প্ৰশ্নই এতিয়া চিন্তিত কৰি তুলিছে ৰাইজক। প্ৰশ্ন হয়। সময় থাকোতেই এই ক্ষেত্ৰত প্ৰয়োজনীয় পদক্ষেপ গ্ৰহন কৰিব নে কেন্দ্ৰীয় তথা ৰাজ্য চৰকাৰে। সেয়া হব লক্ষণীয়।