উত্তৰ প্ৰদেশ চৰকাৰৰ বুলডজাৰ কাৰ্য্যক লৈ দেশৰ উচ্চতম ন্যায়লয়ে নিৰ্দেশ দিছে। উচচতম ন্যায়ালয়ে কয় যে ভাৰতৰ নাগৰিকৰ সা-সম্পত্তি ধ্বংস কৰাৰ ভাবুকি দিব নোৱাৰিব। আইনৰ মতে ‘বুলডজাৰ ন্যায়’ সম্পূৰ্ণৰূপে গ্ৰহণযোগ্য নহয়। মুখ্য ন্যায়াধীশ ডি ৱাই চন্দ্ৰচুদ, ন্যায়াধীশ জে বি পাৰ্দিৱালা আৰু ন্যায়াধীশ মনোজ মিশ্ৰৰ বিচাৰপীঠে কয় যে বুলডজাৰৰ জৰিয়তে ন্যায় প্ৰদান কৰাটো কোনো ন্যায় ব্যৱস্থাৰ অংশ হ’ব নোৱাৰে।(Bulldozer Action)
চিজেআইৰ (CJI) নেতৃত্বত গঠিত বিচাৰপীঠে কয় ‘বুলডজাৰৰ জৰিয়তে ন্যায় প্ৰদানৰ এনে উদাহৰণৰ ঘটনা ক’তো পোহৰলৈ অহা নাই।
ৰাজ্য চৰকাৰে বুলডজাৰ চলোৱাৰ আগতে কৰিব লাগিব এই সমূহ কাম-
আদালতে কয় যে ৰাজ্য চৰকাৰৰ এনে স্বেচ্ছাচাৰী আৰু একপক্ষীয় কাৰ্যক সহ্য কৰিব নোৱাৰি। যদি ইয়াৰ অনুমতি দিয়া হয় তেন্তে ৩০০ অনুচ্ছেদৰ অধীনত সম্পত্তিৰ অধিকাৰৰ সাংবিধানিক স্বীকৃতি মৃত পত্ৰলৈ পৰিণত হ’ব।(Supreme court)
শনিবাৰে চিজেআইৰ অৱসৰৰ প্ৰাকক্ষণত আপলোড কৰা বিশদ আদেশত সকলো ৰাজ্য আৰু কেন্দ্ৰীয় শাসিত অঞ্চলৰ বাবে বাধ্যতামূলক সুৰক্ষা ব্যৱস্থা নিৰ্ধাৰণ কৰি আদালতে ৰায় দিয়ে যে যিকোনো ঘৰ ভাঙি পেলোৱাৰ পূৰ্বে সঠিক জৰীপ, লিখিত জাননী আৰু আপত্তি বিবেচনা কৰা উচিত। এই নিৰ্দেশনা উলংঘা কৰা বিষয়াসকলে অনুশাসনমূলক ব্যৱস্থা আৰু অপৰাধমূলক দুয়োটা অভিযোগৰ সন্মুখীন হ’ব লাগিব।(Supreme Court on bulldozer Justice)
কোনো সম্পত্তি ভাঙি পেলোৱাৰ পূৰ্বে ছটা প্ৰয়োজনীয় পদক্ষেপ ল’বলৈ নিৰ্দেশ দিয়ে আদালতে। প্ৰথম- বিষয়াসকলে প্ৰথমে বৰ্তমানৰ ভূমিৰ ৰেকৰ্ড আৰু মানচিত্ৰ পৰীক্ষা কৰিব লাগিব। দ্বিতীয়তে, প্ৰকৃত বেদখল চিনাক্ত কৰিবলৈ তেওঁলোকে সঠিক জৰীপ কৰিব লাগিব। তৃতীয়- অভিযুক্ত বেদখলকাৰীক তিনিখন লিখিত জাননী জাৰি কৰিব লাগে। চতুৰ্থ- তেওঁলোকৰ আপত্তি বিবেচনা কৰি তাৰ পিছত কাৰ্য্যৰ বাবে স্পষ্ট আদেশ দিয়া উচিত। পঞ্চম- বেদখলকাৰীক তেওঁলোকৰ বেদখল স্বেচ্ছাই আঁতৰাবলৈ উপযুক্ত সময় দিব লাগে আৰু ছয় নম্বৰ দিব লাগে- প্ৰয়োজন হ’লে অতিৰিক্ত মাটি আইনীভাৱে অধিগ্ৰহণ কৰিব লাগে। ইয়াৰ পিছতহে আন কোনো ডাঙৰ ব্যৱস্থা গ্ৰহণ কৰিব লাগে।
সংবিধানৰ ৩০০ক অনুচ্ছেদত উল্লেখ আছে যে কোনো ব্যক্তিক আইনৰ কৰ্তৃত্ব অবিহনে নিজৰ সম্পত্তিৰ পৰা বঞ্চিত কৰা নহ’ব। ২০১৯ চনত উত্তৰ প্ৰদেশৰ মহাৰাজগঞ্জ জিলাৰ এটা ঘৰ ভাঙি পেলোৱাৰ সৈতে জড়িত গোচৰত ৬ নৱেম্বৰত শীৰ্ষ ন্যায়ালয়ে ৰায় দিয়ে। ইয়াৰ উপৰিও বিচাৰপীঠে অন্তৱৰ্তীকালীন ব্যৱস্থা হিচাপে আবেদনকাৰীক ২৫ লাখ টকা ক্ষতিপূৰণ দিবলৈ ইউ পিৰ যোগী আদিত্যনাথ চৰকাৰক নিৰ্দেশ দিয়ে। এটা পথ প্ৰকল্পৰ বাবে আবেদনকাৰীৰ ঘৰ ভাঙি পেলোৱা হৈছিল।(Uttra Pradesh)