পৰীক্ষা হয় বাতিল কৰক নহয় স্থগিত ৰাখক:সৰুপথাৰ মহাবিদ্যলয়ত ছাত্ৰ ছাত্ৰীৰ প্ৰতিবাদ

সৰুপথাৰ মহাবিদ্যালয়ত প্ৰতিবাদ ।কৰোণাৰ দ্বিতীয়তো ঢৌত স্তব্ধমান দেশবাসীৰ লগতে ৰাজ্যবাসী। ব্যাপক হাৰত বৃদ্ধি হৈছে কৰ’ণা ৰোগীৰ সংখ্যা। সকলো জনগণৰ লগতে গভীৰ ভাৱে চিন্তিত হৈ পৰিছে ছাত্ৰ সমাজ। শংকিত হৈ পৰিছে ডিব্ৰুগড় বিশ্ববিদ্যালয়ৰ অধীনস্থ মহাবিদ্যালয়ৰ ছাত্ৰ ছাত্ৰীসকল। যাৰ পৰিপেক্ষিতত আজি পুৱা সৰুপথাৰ মহাবিদ্যালয়ৰ ছাত্ৰ ছাত্ৰীসকলে শ্ৰেণী কোঠাৰ পাঠদান এৰি প্ৰতিবাদ মুখৰ হৈ পৰিছে। স্নাতক পৰ্যায়ৰ সকলো পৰীক্ষা ছাত্ৰ ছাত্ৰী সকলৰ সুবিধা অনুসৰি   অনলাইন অথবা অফলাইন পদ্ধতিৰে অনুষ্ঠিত কৰিবলৈ দাবী জনাই। সকলো ছাত্ৰ=ছাত্ৰীক কৰ’না প্ৰতিষেধক প্ৰদানৰ দাবী জনোৱাৰ লগতে ছাত্ৰ=ছাত্ৰীসকলৰ শৈক্ষিক জীৱনক লৈ হেতালি নেখেলিবলৈ ডিব্ৰুগড় বিশ্ববিদ্যালয়ৰ উপাচাৰ্যক অনুৰোধ কৰি সৰুপথাৰ মহাবিদ্যালয়ৰ অধ্যক্ষৰ যোগেদি সৰুপথাৰ মহাবিদ্যালয়ৰ ছাত্ৰ=ছাত্ৰীসকলে ডিব্ৰুগড় বিশ্ববিদ্যালয়ৰ উপাচাৰ্য গৰাকীলৈ এখনি ৪দফীয়া দাবী সম্বলিত স্মাৰক পত্ৰ প্ৰেৰণ কৰে।