টিংখাঙত কেন্সাৰ আক্ৰান্ত কৃষকৰ মৃত্যু

টিংখাং

ডিব্ৰুগড় জিলাৰ টিংখাং অঞ্চলৰ গেলেকী গাঁৱৰ এগৰাকী খেতিয়ক ৰঙেধৰ শইকীয়াৰ (৪৭) আজি বিয়লি নিজা বাসগৃহত মৃত্যু হয়। দীৰ্ঘদিন ধৰি তেওঁ  কেন্সাৰ ৰোগত আক্ৰান্ত হৈ থকাৰ বাবে চিকিৎসাধীন অৱস্থাত আছিল। জানিব পৰা মতে ডিব্ৰুগড় অসম চিকিৎসা মহাবিদ্যালয়ৰ হাস্পতালকে ধৰি ৰাজ্যৰ কেবাখনো চিকিৎসা কৰিছিল। মৃত্যুৰ সময়ত পত্নী, দুই পুত্ৰ-কন্যাসহ বহু আত্মীয় স্বজনক ইহসংসাৰত এৰি থৈ যায়। তেওঁৰ মৃত্যুৰ বাতৰিয়ে অঞ্চলটোত গভীৰ শোকৰ ছাঁ পৰিছে। সন্ধিয়া স্থানীয় গাঁওবাসীয়ে তেওঁৰ অন্ত্যেষ্টিক্ৰিয়া সম্পন্ন কৰে।