২৫, নবেম্বৰঃ ৰঙিয়াৰ বিশিষ্ট সংস্কৃত পণ্ডিত বানেশ্বৰ দেৱশৰ্মাৰ সোঁৱৰণত সামাজিক-সাংস্কৃতিক অনুষ্ঠান সংগীত গ্রুপ অৱ্ ক্রিয়েচনৰ উদ্যোগত ‘প্রয়াত বানেশ্বৰ দেৱশৰ্মা ৰাজ্যিক শিক্ষক বঁটা’ শীর্ষক ষষ্ঠ বাৰ্ষিক বঁটা প্রদান অনুষ্ঠান অনুষ্ঠিত হয় (Cancer)।ৰঙিয়াৰ হৰদত্ত বীৰদত্ত ভবণ প্ৰেক্ষাগৃহত অনুষ্ঠিত কৰা বিশেষ অনুষ্ঠানটো আনুষ্ঠানিক ভাৱে উদ্বোধন কৰে মধ্য পাণ্ডুৰী উচ্চতৰ মাধ্যমিক বিদ্যালয়ৰ অধ্যক্ষ পাৰ্থ প্ৰতিম ডেকাই। ইয়াৰ পিছতে প্ৰয়াত বাণেশ্বৰ দেৱ শৰ্মাৰ প্ৰতিচ্ছবিলৈ শ্ৰদ্ধাঞ্জলি জনাই প্ৰয়াত শিক্ষাবিদ গৰাকীৰ পত্নী জয়মতী দেৱী আৰু সমাজকৰ্মী দেৱ সাহাই।
গাম্ভীৰ্যপূৰ্ণ অনুষ্ঠানটোত স্থানীয় বিধায়ক তথা ৰাজ্যিক বিজেপিৰ সভাপতি ভৱেশ কলিতা,দদৰা উচ্চতৰ মাধ্যমিক বিদ্যালয়ৰ প্ৰাক্তন অধ্যক্ষ পৰেশ বৈশ্য, পুঠিমাৰী উচ্চতৰ মাধ্যমিক বিদ্যালয়ৰ অধ্যক্ষ বিপুল কলিতৰ উপস্থিতিত নলবাৰীৰ সাংবাদিক তথা শান্তি নিৱাস বৃদ্ধাশ্ৰমৰ পৰিচালক মজিবুৰ ৰহমানক “মানৱ দৰদী বঁটা” প্ৰদান কৰা হয়।বঁটা প্ৰদান অনুষ্ঠানৰ কাৰ্যকৰী সভাপতি জাভেদ জামান, সম্পাদক পংকজ পল্লৱ শৰ্মাই সামগ্ৰীক পৰিচালনা কৰা আৰু সহকাৰী সম্পাদক জ্যোতিৰ্ময় শৰ্মা আৰু চাকিল আহমেদে সহযোগিতা আগবঢ়োৱা অনুষ্ঠানটোত প্ৰয়াত বাণেশ্বৰ দেৱ শৰ্মা জীৱন যোৰা সাধনা বঁটা গ্ৰহণ কৰা বিশিষ্ট শিল্পী লোকনাথ গোস্বামীয়ে কথা আৰু গীতেৰে উপস্থিত ৰাইজক সন্মোহিত কৰে।এটাৰ পিছত আন এটাকৈ গীতেৰে উপস্থিত ৰাইজক আপ্লুত কৰি তোলে প্ৰসিদ্ধ শিল্পী গৰাকীয়ে।সাপ্তাহিক গণস্তম্ভ কাকতৰ সম্পাদক চম্পক কলিতা,নলবাৰীৰ দুই জ্যেষ্ঠ সাংবাদিক কমলেশ শৰ্মা, এম মহিবৰ ৰহমান,শিক্ষা বিষয়া মইনুল হ’ক প্ৰমুখ্যে বিশিষ্ট ব্যাক্তি সকল উপস্থিত থকা অনুষ্ঠানটোত জগন্নাথ ভূঞাক ৰাজ্যিক কৃতি শিক্ষকৰ বটা,নৰ্থ ইষ্ট কেঞ্চাৰ হস্পিতালৰ অধ্যক্ষ গনেশ তামুলীক গণ হিতৈষী,বিশিষ্ট লেখিকা, উপন্যাসিকা মণিকুন্তলা ভট্টাচাৰ্যক সু- অনি বটা,ধীৰেণ বৰ্মনক সমাজ সেৱক আৰু আলাউদ্দিন আহমেদে সমাজ সংগঠক বঁটাৰ লগতে শিক্ষাবিদ ভুপেন দাস,বিশিষ্ট নাট্যকাৰ ধীৰেন বৰ্মন, ক্ৰীড়া সংগঠক আব্দুল মজিদ, বাণেশ্বৰ দেৱ শৰ্মা সাহিত্য বঁটা গোপাল জালানক,সমাজ সংগঠক আলাউদ্দিন আহমেদ,মবিদুল ইছলামক ক্ৰীড়া প্ৰাণ বঁটা,অধ্যাপক তানজিনট ইছলামক শিক্ষা উদ্যামিতা বঁটা,ডাঃ চক্ৰধৰ বৰ্মনক মানৱ সেৱা বঁটাকে ধৰি বিভিন্ন ক্ষেত্ৰত জড়িত আন কেবাজনকো বিশেষ বঁটাৰে সন্মানিত কৰা হয় । ইফালে প্ৰয়াত বাণেশ্বৰ দেৱ শৰ্মা সোৱৰণি ৰাজ্যিক ৰচনা প্ৰতিযোগিতাৰ শ্ৰেষ্ঠ কটন বিশ্ববিদ্যালয়ৰ কাঞ্চিতা শৰ্মা আৰু ২য় শ্ৰেষ্ঠ বিজয়ী দ্বাৰকুছি জাতীয় বিদ্যালয়ৰ মৰিয়মক পুৰস্কৃত কৰা হয়।একেখন মঞ্চতে পংকজ পল্লৱ শৰ্মাৰ সম্পাদনাত প্ৰকাশিত স্মৃতিগ্রন্থ ‘দৈষ্টিক’ৰ উন্মোচন কৰে এমন্ত্ৰণৰ উপ প্ৰৱন্ধক তথা সংস্কৃতিৰ দাপোন কাকতৰ মুখ্য সম্পাদক দিনমনি ভাণ্ডাৰ কায়স্থই ।উন্মোচনী ভাষণ প্ৰসঙ্গত উপযুক্ত পিতৃৰ প্ৰতি উপযুক্ত পদক্ষেপ ৰূপে পঙ্কজ পল্লৱ শৰ্মাৰ প্ৰয়াসৰ শলাগ লয় উন্মোচক গৰাকীয়ে।আয়োজক সমিতিৰ সভাপতি তথা স্থানীয় বিধায়ক ভবেশ কলিতাৰ উপস্থিতিত ৰূপায়িত কাৰ্যসূচীত মুখ্য অতিথিৰূপে বিশিষ্ট শিক্ষাবিদ পৰেশ চন্দ্ৰ বৈশ্য ই অংশগ্ৰহণ কৰে।ইফালে অনুষ্ঠানৰ লগত সঙ্গতি ৰাখি ৰঙিয়া কেন্দ্ৰীয় বিদ্যালয়ৰ ছাত্ৰী জাকিয়া আলফুলক শিশু প্ৰতিভা বঁটা প্ৰদানৰ লগতে আন কেবাগৰাকী বিশিষ্ট ব্যাক্তিক জীৱনযোৰা কৃতিত্বৰ স্বীকৃতি স্বৰূপে বটা আগবঢ়োৱা হয়।ৰাজ্যিক পৰ্যায়ত ক্যাৰাটে, কুইজ আৰু চিত্ৰাংকণ প্ৰতিযোগিতাত অনন্য কৃতিত্বত প্ৰদৰ্শন কৰা কণমানি জাকিয়া আলফুলক বিশেষ ভাৱে সম্বৰ্ধনা জনোৱা হয়।সংগীত -নৃত্যৰে জীপাল হৈ পৰা অনুষ্ঠানটোত অসম সাহিত্য সভাৰ মাতৃভাষা-ৰাজ্যভাষা প্ৰয়োগ সমিতিৰ আহ্বায়ক হেমন্ত কলিতা ,কামৰূপ জিলা সাংবাদিক সন্থাৰ সম্পাদক তৰণী চৰণ কলিতা,শিক্ষক মুনীন্দ্ৰ ডেকা, অধ্যক্ষ বিপুল কলিতাৰহুল আলী, উজ্বল ডেকা, মুকুল ভূঞা,জয়ন্ত কুমাৰ শৰ্মা,অভিনেতা হৰিশ তালুকদাৰ প্ৰমুখ্যে ভালে সংখ্যক গন্য মান্য ব্যাক্তি উপস্থিত থাকে ।