দেওবাৰে দিল্লীৰ মুখ্যমন্ত্ৰী তথা আপৰ মুৰব্বী অৰবিন্দ কেজিৰৱালক সুৰা নীতি কেলেংকাৰী সন্দৰ্ভত চিবিআইৰ মুখ্য কাৰ্যালয়ত উপস্থিত হ’বলৈ নিৰ্দেশ প্রদান কৰাকলৈ ক্ষোভিত হৈছে দলটোৰ নেতা-কৰ্মী।
এই লৈ আজি দেশৰ বিভিন্ন প্ৰান্তৰ লগতে গুৱাহাটীতো কেজৰিৱালৰ সমৰ্থনত আৰু প্রধানমন্ত্ৰীৰ নৰেন্দ্ৰ মোদীৰ বিৰুদ্ধে ৰাজপথত প্ৰতিবাদ সাব্যস্ত কৰে। প্ৰতিবাদকাৰী সকলে দিশপুৰৰ জনতা ভৱনৰ সন্মুখত ‘নৰেন্দ্ৰ মোদী হুচিয়াৰ’, ‘বিজেপি গ’ বেক’, ‘অৰবিন্দ কেজৰিৱাল জিন্দাবাদ’ আদি শ্ল’গানেৰে প্রতিবাদস্থলী উত্তাল কৰি তোলে।
প্রতিবাদস্থলীত উপস্থিত থাকি আপৰ পাৰিষদ মাচুমা বেগমে সংবাদ মাধ্যমৰ আগত কয় যে ‘কোনো চিবিআই, ইডি ৰ জেৰাই আমাৰ নেতা অৰবিন্দ কেজৰিৱালক ভয় খোৱাব নোৱাৰে। আম আদমি পাৰ্টীয়ে ভাৰতবৰ্ষক বিশ্বৰ এক নম্বৰ ৰাষ্ট্ৰ কৰাৰ সংকল্প হৈছে। এই যাত্ৰাত দেশক ভাল নোপোৱা বহুতো মানুহে বাধা দিব।
আপৰ নেতা সকলক কাৰাগাৰাত থৈ বিজেপি দলে আগন্তুক নির্বাচন খেলিবলৈ আগবাঢ়িব বিচাৰিছে। আজি যুঁজি দি যাম।’ দেশৰ আইনক ৰাজনৈতিক স্বাৰ্থত ব্যৱহাৰ কৰি বিজেপি চৰকাৰে বিৰোধী নেতাৰ কথা কোৱাৰ বাক্ স্বাধীনতা নোহোৱা কৰি পেলাইছে বুলি দলটোৱে উল্লেখ কৰে।
প্ৰতিবাদকাৰী সকলক দিশপুৰ আৰক্ষীয়ে আতক কৰি চচলত সন্ধিয়া পৰ্যন্ত আৱদ্ধ কৰি ৰাখে। আজি দিল্লীত শান্তিপূর্ণ প্রতিবাদ কৰি থকা অৱস্থাত আপৰ দিল্লী চৰকাৰৰ সম্পূৰ্ণ কেবিনেট, পঞ্জাৱৰ চাৰিজন মন্ত্ৰী আৰু আপৰ সাংসদ সকলক প্ৰধানমন্ত্ৰীৰ গৃহবিভাগে কোনো কাৰণ নোহোৱাকৈ গ্ৰেপ্তাৰ কৰা কাৰ্যক আপৰ অসম ৰাজ্যিক সমিতিয়ে ধিক্কাৰ জনায়।