ডিমৌৰ দুই উদ্যমী যুৱকৰ প্ৰচেষ্টাত গড় লৈ উঠা ডিমৌ নগৰৰ মছ্কৰাত বি আৰ এণ্টাৰপ্ৰাইজৰ ৰান্ধনী নামৰ খাটি সৰিয়হ তেলৰ উদ্যোগে ডিমৌ অঞ্চললৈ এক আশাৰ বতৰা কঢ়িয়াই আনিছে।আজি থাওৰা বিধানসভা সমষ্টিৰ বিধায়ক সুশান্ত বৰগোহাঁইয়ে আনুষ্ঠানিকভাৱে শুভ উদ্ধোধন কৰে ৰান্ধনী নামৰ সৰিয়হ তেলৰ উদ্যোগটো । উদ্যোগ উদ্ধোধন কৰি স্বত্বাধিকাৰী বেনু হাজৰিকা আৰু ৰজনী গগৈ নামৰ দুই যুৱকক প্ৰশংসা কৰাৰ লগতে চৰকাৰী সকলো প্ৰকাৰৰ সহায় সহযোগিতা আগবঢ়োৱাৰ কথা উল্লেখ কৰে বিধায়কগৰাকী
দিহিং নদীৰ চাপৰিত খেতি কৰি সফলতা লাভ কৰা বেনু হাজৰিকা আৰু ৰজনী গগৈয়ে সম্পূৰ্ণ নিজা প্ৰচেষ্টাৰে ২০০ বিঘা মাটিত সৰিয়হ খেতিৰ লগতে বিভিন্ন পাছলিৰ খেতিৰে কেইবাজনো নিবনুৱা যুৱকক সংস্থাপন দিবলৈ সক্ষম হৈছে ।ডিমৌবাসীয়ে এই উদ্যোগত উৎপাদন হোৱা খাতি সৰিয়হ সুলভ মুল্যত লাভ কৰিবলৈ সক্ষম হব বুলি উল্লেখ কৰে। আজিৰ এই উদ্ধোধনী অনুষ্ঠানত ডিমৌৰ ভালে সংখ্যক বিশিষ্ট লোকৰ লগতেডি মৌ পৌৰ সভাৰ অভিযন্তা গৌতম কলিতা, সাংবাদিক শেখৰজ্যোতি দুৱৰী, প্ৰাক্তন আছু নেতা প্ৰণৱ চেতিয়া, নিপেন ফুকন আদি উপস্থিত থাকি উদ্যোগী যুৱকদ্বয়ক এই কৰ্মৰ বাবে উৎসাহিত কৰে।