গুৱাহাটী, ৫ নৱেম্বৰঃ মঙলবাৰৰ পৰাই দেশজুৰি চাৰিদিনীয়া কাৰ্যসূচীৰে(Chhath Puja 2024) আৰম্ভ হৈছে পৱিত্ৰ ষট ব্ৰত৷ আজি প্ৰথম দিনা লৌকি ভাতেৰে আৰম্ভ হৈছে পৱিত্ৰ ষট ব্ৰত(Hindu festival)৷
বুধবাৰে হ’ব খাৰনা৷ বৃহস্পতিবাৰে বিয়লি হ’ব প্ৰথম অৰ্ঘ্য(Sun God)৷ শুক্ৰবাৰে পুৱা হ’ব দ্বিতীয় অৰ্ঘ্য অৰ্থাৎ পাৰণ(Surya Dev)৷
নিজৰ পৰিয়ালৰ লগতে সমাজৰ সকলো স্তৰৰ ৰাইজৰ মংগল কামনা কৰি ভক্তসকলে উপবাসে থাকি পালন কৰিব পৱিত্ৰ ষট পূজা(Sister Chhathi Maiya)৷
আৰাধনা কৰিব সূৰ্য দেৱতাক৷ প্ৰত্যেক বৰ্ষৰ দৰে এইবাৰো ৰাজগড় অঞ্চলৰ ৰাইজ একত্ৰিত হৈ ঐতিহাসিক শ্ৰীশ্ৰী যুৰীয়া আই থান ষট পূজা ঘাটত পালন কৰিব এই পৱিত্ৰ ষট ব্ৰত৷
ষট পূজা উদযাপন সমিতিয়ে দিন-ৰাতি একাকাৰ কৰি ষট পূজা ঘাটত প্ৰস্তুতি চলাইছে৷ সুন্দৰকৈ সজাই পৰাই তোলা হৈছে ষট পূজা ঘাট৷ ষট পূজা উপলক্ষে শ্ৰীশ্ৰী যুৰীয়া আই থানো সুন্দৰকৈ সজাই-পৰাই তোলা হৈছে৷
আলোকসজ্জাৰে সজ্জিত কৰা হৈছে সমগ্ৰ আই থান চৌহদ৷ পৰিস্কাৰ কৰি তোলা হৈছে সমগ্ৰ আই থান চৌহদ৷ নিৰ্মাণ কৰা হৈছে অস্থায়ী মণ্ডপ৷ নিয়োগ কৰা হৈছে স্বেচ্ছাসেৱক৷
শ্ৰীশ্ৰী যুৰীয়া আই থান ষট পূজা উদযাপন সমিতিয়ে ষট পূজা ঘাটলৈ সকলো ভক্তপ্ৰাণ ৰাইজক সাদৰেৰে আমন্ত্ৰণ জনাইছে৷