ভোক লাগিলেই চিকেন পকৰা খাইনে নে চিকেন ৰোল খাই? কেতিয়াবা কাটলেট, কেতিয়াবা চেণ্ডুইচ, আকৌ চৌমিন-মেগী, আনকি পাস্তাতো চিকেন থাকে। ৰেষ্টুৰেণ্টত আমি প্ৰায়ে প্ৰথমে অৰ্ডাৰ কৰোঁ চিকেন। প্ৰতিদিনে বা প্ৰায়ে ব্ৰইলা বা কুকুৰা মাংস খোৱাৰ ফলত শৰীৰত কেনেধৰণৰ প্ৰভাৱ পৰে জানো আহক।(Chicken)
ব্ৰইলা খোৱাৰ বিশেষ ক্ষতি নহয়। আনহতে প্ৰতিদিনে ছাগলী মাংস খালে কলেষ্টেৰল বৃদ্ধি পাই কিন্তু চিকেন খালে এই ভয়ৰ পৰা হাত সাৰিব পাৰে। কিন্তু চিকেন কেনেকৈ ৰান্ধিব, কিমান খাব, সেইটোৱেই আটাইতকৈ গুৰুত্বপূৰ্ণ। ১০০ গ্ৰাম চিকেনৰ পৰা প্ৰায় ১৬৫ কেলৰি লাভ কৰিব পাৰি, লগতে ৩১ গ্ৰাম প্ৰটিন আৰু ৩ গ্ৰাম চৰ্বিও লাভ কৰিব পাৰি। চিকেনত আইৰণ, জিংক, ভিটামিন বি ৬কে ধৰি কেইবাটাও ভিটামিন আৰু খনিজ পদাৰ্থ থাকে।(Side Effects of Chicken)
গতিকে চিকেন খোৱাটো স্বাস্থ্যৰ বাবে উপকাৰী। বহুতে ওজন কমাবলৈ চিকেন খাই। চিকেন সিজাই খাব লাগে বা চূপ বনাই খাব লাগে। কোনোবাই যদি দিনটোত দুবাৰকৈ আহাৰ খায়, তেন্তে তেওঁৰ ওজন, শৰীৰৰ গঠন, কেনেধৰণৰ শাৰীৰিক কাম কৰে, কিবা বেমাৰ আছে নে নাই, সেইবোৰ চাইহে চিকেন খাব লাগে।
চিকেন জোখত খালে খালে দৈনিক খাব পাৰে। কিন্তু বেছিভাগেই সেই নিয়ম মানি নচলে। প্ৰতিদিনে চিকেন পকৰা, ৰোল, চচ্চেজ, বাৰ্গাৰ খালে তেজত বেয়া কলেষ্টেৰলৰ মাত্ৰা বহুগুণে বৃদ্ধি পাব। দোকানৰ পৰা কিনা চিকেন চেণ্ডুইচ, বাৰ্গাৰ বা আন যিকোনো চিকেন বস্তু বহু দিন ৰাখি থয়। প্ৰচেছড মাংস খালে ইউৰিক এচিডৰ মাত্ৰাও বৃদ্ধি পাব পাৰে।
এদিনত এজন প্ৰাপ্তবয়স্কৰ কিমান প্ৰ’টিনৰ প্ৰয়োজন তেওঁৰ ‘BMI’ (Body Mass Index) চাই নিৰ্ণয় কৰা হয়। যিদিনা আপুনি চিকেন খাই, সেইদিনা দাইল কমকৈ খাব লাগে বা কণী, মাছ , পনিৰ খাব নালাগে। তেনে ক্ষেত্ৰত প্ৰটিনৰ মাত্ৰা বৃদ্ধি পাব আৰু ইয়াৰ বিপৰীত প্ৰভাৱ পৰিব। বেছিভাগ মানুহেই এই নিয়ম মানি নচলে। তেতিয়াই বদহজম, গেছ আৰু পেট জ্বলা-পুৰাৰ সমস্যা বাঢ়ি যায়। প্ৰটিন বেছিকৈ খালে কিডনীৰো ৰোগ হ’ব পাৰে। সঘনাই প্ৰস্ৰাৱৰ সংক্ৰমণ হ’ব পাৰে। গতিকে সীমিত পৰিমাণৰ খোৱা উচিত।