মুখ্যমন্ত্ৰী হিমন্ত বিশ্ব শৰ্মাৰ প্ৰথমখন সংবাদমেলঃ ১ লাখ নিবনুৱালৈ কৰ্মসংস্থাপন, কোৰোণা পৰিস্থিতি নিয়ন্ত্ৰণ, বানমুক্ত অসম গঢ়াৰ প্ৰতিশ্ৰুতি প্ৰদান
ৰাজ্যৰ ১৫ সংখ্যক মুখ্যমন্ত্ৰী হিচাপে শপত ল’লে ড০ হিমন্ত বিশ্ব শৰ্মাই। মুখ্যমন্ত্ৰী হিচাপে শপতগ্ৰহণ কৰিয়েই হিমন্ত বিশ্ব শৰ্মাই সম্বোধন কৰে প্ৰথমখন সংবাদমেল। সংবাদমেলত মুখ্যমন্ত্ৰীগৰাকীয়ে নতুন চৰকাৰৰ বাবে ৰাইজৰ পৰা আশীৰ্বাদ বিচাৰে। আনহাতে সংবাদমেলত মুখ্যমন্ত্ৰীগৰাকীয়ে নিৰ্বাচনৰ সময়ত দিয়া প্ৰতিশ্ৰুতি আখৰে আখৰে পালন কৰা হ’ব বুলিও জনায়।সংবাদমেলত মুখ্যমন্ত্ৰীগৰাকীয়ে প্ৰথম অৱস্থাত এই সমূহ দিশত ৰাজ্য চৰকাৰে গুৰুত্ব প্ৰদান কৰিব বুলি উল্লেখ কৰে-
- কোৰোণা পৰিস্থিতি নিয়ন্ত্ৰণ
- ১ লাখ নিবনুৱালৈ কৰ্ম সংস্থাপন।
- মাইক্ৰফাইনেন্সৰ ঋণ মাফ।
- অৰুণোদয় আঁচনিৰ ধন বৃদ্ধি।
- বানমুক্ত অসম গঢ়াৰ প্ৰতিশ্ৰুতি।
আনহাতে পৰেশ বৰুৱাকো মূল সুঁতিলৈ আহিবলৈ আহ্বান জনাই মুখ্যমন্ত্ৰী হিমন্ত বিশ্ব শৰ্মাই। মুখ্যমন্ত্ৰীগৰাকীৰ মতে, এই সমূহ কামত অত্যন্ত প্ৰত্যাহ্বান আছে। কিন্তু প্ৰত্যাহ্বানৰ মাজেৰে চৰকাৰ খন সফল হ’ব বুলিও আশা প্ৰকাশ কৰে হিমন্ত বিশ্ব শৰ্মাই।