স্বৰ্গদেউ চ্যুকাফা হাস্পতালত অত্যাধুনিক মেচিন উদ্ধোধন মুখ্যমন্ত্ৰীৰ

শিৱসাগৰৰ ডিমৌত অৱস্থিত তেল আৰু প্ৰাকৃতিক গেছ নিগমৰ চ্যুকাফা মাল্টি স্পেচিয়েলিটি হাস্পতালত এক অত্যাধুনিক “মাল্টি চাৰ্জাৰী মাইক্ৰছকোপ” ৰ শুভ উদ্বোধন কৰে মুখ্যমন্ত্ৰী সৰ্বানন্দ সোনোৱালে। ডিমৌৰ দিচাং ৰজাবাৰীস্থিত চ্যুকাফা হাস্পতালত জাৰ্মাণৰ পৰা প্ৰায় দেৰ কোটি টকা ব্যয়সাপেক্ষ এই অত্যাধুনিক চিকিৎসা প্ৰযুক্তিৰ যন্ত্ৰ উদ্বোধন কৰি মুখ্যমন্ত্ৰীয়ে অতি শীঘ্ৰে এই চিকিৎসালয়খন দক্ষিণ পূব এচিয়াৰ অন্যতম উল্লেখযোগ্য চিকিৎসালয় হিচাপে পৰিগণিত হ’ব বুলি আশা প্ৰকাশ কৰে। উক্ত অত্যাধুনিক যন্ত্ৰটোৰ যোগেদি চ্যুকাফা হস্পিতেলত সকলোধৰণৰ চাৰ্জাৰী সম্ভৱ হ’ব।তেওঁ অ এন জি চি কৰ্তৃপক্ষক চিকিৎসালয় চৌহদত স্বৰ্গদেউ চ্যুকাফাৰ এক প্ৰতিমূৰ্তি স্থাপন কৰিবলৈ আহ্যান জনায়। বহুজাতিক প্ৰতিস্থান, তেল, আৰু প্ৰাকৃতিক গেছ নিগম লিমিটেডৰ কৰ্পোৰেট সামাজিক দায়বদ্ধতা আঁ‌চনিৰ  অধীনত প্ৰায় ২০০ কোটি টকাৰে শিৱসাগৰ জিলাৰ থাওৰা সমষ্টিৰ অন্তৰ্গত ডিমৌৰ ৰজাবাৰীত নিৰ্মাণ কৰা হৈছে এই স্বৰ্গদেউ ছ্যুকাফা মাল্টিস্পেচিয়েলিটি চিকিৎসালয়।বিগত আঢ়ৈ বছৰত ৩০ হাজাৰকৈ ৰোগীক চিকিৎসা সেৱাআগবঢ়াই আহিছে ডিমৌ ৰজাবাৰী স্থিত এই ছ্যুকাফা মাল্টি স্পেচিয়েলিটি চিকিৎসালয় খনে।