ৰাজ্যত পুনৰ বাল্য বিবাহৰ বিৰুদ্ধে আৰক্ষীৰ অভিযান। অভিযানত অন্যান্য প্ৰান্তৰ লগতে চাপৰ, বিলাসীপাৰা; নগৰবেৰাত আটক বহু অবৈধ স্বামীক। (Child Marriage)
চাপৰ থানাৰ অন্তৰ্গত বিভিন্ন স্থানত শনিবাৰে নিশালৈ চলিল বাল্য বিবাহ, অবৈধ স্বামীৰ বিৰুদ্ধে অভিযান। চাপৰ আৰক্ষীয়ে অভিযান চলাই বিভিন্ন স্থানৰ পৰা আটক কৰিলে ৫জনক। পুৱতি নিশালৈ চলা এই অভিযানত চাপৰ আৰক্ষীয়ে আৰক্ষীয়ে আটক কৰা লোক কেইজন ক্ৰমে-
১-জাকিৰুল হক, (ঘুনিমাৰী)
২-মণ্ডল আলী , (ৰঙামাটি)
৩-হাকিনুৰ ইছলাম, (ৰৌমাৰী(
৪-আছমত আলী, (ফৌচদাৰচৰ)
৫-গিয়াছ উদ্দিন, (টোকৰাবান্ধা)
আনহাতে বিলাসীপাৰাতো আৰক্ষীৰ অভিযানত আটক ১৫ জন। আটকাধীন অবৈধ স্বামী সকল কাজাইকাটা, চুৱাপাতা,হাতিপোতা, মায়াৰচৰ,পষুৱাৰখাল, আন্দুৰঝাৰ আদি বিভিন্ন চৰাঞ্চলৰ পৰা আটক কৰে। বাল্য বিবাহৰ লগত জড়িত থকাৰ অভিযোগত আটক ১৫ জন ব্যক্তিক। আটকাধীন অবৈধ স্বামীক এবাৰ চাবলৈ বিলাসীপাৰা থানাত কান্দোনৰ ৰোল। ইফালে সাপটগ্ৰাম আৰক্ষীৰ অভিযানত তিনিজনক আটক, ভেৰভেৰীৰ এজন আৰু ৰাণীগঞ্জৰ পৰা দুজনক আটক কৰে।
নিশা নগৰবেৰা আৰু টুপামাৰীটো আৰক্ষীয়ে চলাই এই অভিযান। অভিযানত তিনিজনকৈ অবৈধ স্বামী গ্ৰেপ্তাৰ, গ্ৰেপ্তাৰ হোৱা অবৈধ স্বামী ক্ৰমে – ভখুৰাদিয়া গাঁৱৰ মুজ্জামেল হক, পলাহৰটাৰী গাওৰ নুৰ আলম আৰু খামেৰী গাঁওৰ অফিল উদ্দিন। আনহাতে বকোৰ মন্দিৰা আৰক্ষীয়েও নিশা অভিযান চলাই বিবাহৰ সৈতে জড়িত দুজনকৈ অভিভাৱক গ্ৰেপ্তাৰ কৰে। উল্লেখ্য যে চৰকাৰৰ বাল্য বিবাহ বিৰোধী অভিযানক পূৰ্ন সমৰ্থন জনাইছে সংখ্যালঘু ৰাইজে। এই অভিযান অব্যাহত ৰাখিবলৈ ৰাইজে মুখ্যমন্ত্ৰীক আহ্বান জনাইছে।
