বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানকোঠত, সুৰক্ষা আৰু নিৰাপত্তা বৃদ্ধিৰ বাবে বিচিএএছৰ সহযোগত বিমান সুৰক্ষা সংস্কৃতি সপ্তাহ পালন।
বিমান নিৰাপত্তাৰ প্ৰসাৰৰ বাবে বিস্তৃত বিভিন্ন অনুষ্ঠানৰ সৈতে বিমানকোঠে যোৱা ৩১ জুলাইৰ পৰা ৬ আগষ্টলৈ এই বিশেষ সপ্তাহ উদযাপনৰ আয়োজন কৰিছে। তাৰে প্ৰথম দিন হিচাপে সুৰক্ষা আৰু নিৰাপত্তাৰ লগত কোনো হীন-দেৰি নকৰিবলৈ সমূহ সুৰক্ষা কৰ্মীক শপটনামা পাঠ কৰোৱা হয়। সুৰক্ষা প্ৰতিশ্ৰুতি বা শপটনামাৰ জড়িয়তে এইটো সুনিশ্চিত কৰা হয় যে, বিমানকোঠত থকা প্ৰত্যকটো সংগঠনেই হওক বা কৰ্মী এজনে আনজনৰ সুৰক্ষাৰ প্ৰতি দায়বদ্ধ হোৱতো অতি প্ৰয়োজনীয়।
দ্বিতীয় দিনাৰ কাৰ্যসূচী অনুসৰি, ৫ কিলোমিটাৰ ৱাকাথন আৰু কুইজ প্ৰতিযোগীতাৰ আয়োজন কৰা হয়। আজি অনুষ্ঠিত হোৱা এই ৱাকথনত, বিমানকোঠৰ বিভিন্ন বিভাগৰ ২০০ৰো অধিক কৰ্মীয়ে অংশগ্ৰহণ কৰে।
গুৱাহাটী বিমানকোঠৰ BCAS -ৰ মুখ্য নিৰ্দেশক বিষয়া সমানন্দ সিঙে কয় যে ” গুৱাহাটী বিমানকোঠত সুৰক্ষা আৰু নিৰাপত্তা, আমাৰ মূল শিলাস্তৰ। বিমান সুৰক্ষা সপ্তাহ উদযাপন কৰি আমি অপৰিসীম গৌৰৱ অনুভৱ কৰিছো, অসামৰিক বিমান পৰিবহণ ব্যুৰো (বিচিএএছ)ৰ অটল সমৰ্পণক সন্মান জনাইছো , কেন্দ্ৰীয় ঔদ্যোগিক নিৰাপত্তা বাহিনী (চিআইএছএফ), বিমান সংস্থা আৰু অন্যান্য বিমানবন্দৰৰ নিৰাপত্তা দল যিয়ে বিমানকোঠৰ কাৰ্যকলাপৰ প্ৰতিটো দিশ অক্লান্তভাৱে সুৰক্ষিত কৰে, তেখেত সকলকো আন্তৰিক ধন্যবাদ জনাইছোঁ। এই নিষ্ঠাবান সুৰক্ষাকৰ্মী সকলে মিলি আমাৰ সকলো অংশীদাৰ আৰু যাত্ৰীসকলৰ বাবে সুৰক্ষিত পৰিৱেশ সৃষ্টি কৰি আহিছে। গুৱাহাটী আন্তঃৰাষ্ট্ৰীয় বিমানকোঠৰ দায়বদ্ধতাক ৰক্ষা কৰি সুৰক্ষাৰ এক অনমনীয় ঢাল গঠন কৰিছে। এই গুৰুত্বপূৰ্ণ সপ্তাহটোৰ জড়িয়তে বিচিএএছৰ কৰ্মীসকলৰ অদম্য মনোভাৱ আৰু অক্লান্ত প্ৰচেষ্টাক সন্মান জনাইছোঁ। নিৰাপত্তাৰ দিশৰ পৰা বিমানকোঠটোক অধিক উচ্চতালৈ উন্নীত কৰাৰ বাবে আমি দায়বদ্ধ আৰু প্ৰতিশ্ৰুতি প্ৰদান কৰিছোঁ।”