himanta biswa sarma । বিহালীত অনুষ্ঠিত এখন বিশাল জনসভাত মুখ্যমন্ত্ৰী হিমন্ত বিশ্ব শৰ্মাই কেইবাটাও গুৰুত্বপূৰ্ণ ঘোষণা কৰে। মহিলা উদ্যমিতা আঁচনিৰ অধীনত চেক বিতৰণৰ লগতে কৃষক, ছাত্ৰ-ছাত্ৰী আৰু সাধাৰণ জনতাৰ উপকাৰৰ বাবে বহুকেইটা নতুন আঁচনি ঘোষণা কৰে।
ঘোষণাসমূহ তলত উল্লেখ কৰা হ’ল-
- বৰ্তমান ২৮ লাখ মহিলাই অৰুণোদয় আঁচনিৰ ধন লাভ কৰি আছে। পৰৱৰ্তী সময়ত ৪০ লাখ মহিলাই এই সুবিধা লাভ কৰিব। ইয়াৰ অধীনত প্ৰতিমাহে মহিলাসকলে ১,২৫০ টকাকৈ সহায় ধন পাব।
- যিসকলে এতিয়ালৈ ৰেচন কাৰ্ড লাভ কৰা নাই, তেওঁলোকক নতুনকৈ ৰেচন কাৰ্ড দিয়া হ’ব। এই কাৰ্ডৰ অধীনত বিনামূলীয়া চাউল আৰু বিনামূলীয়া চিকিৎসা (৫ লাখ টকালৈ) লাভ কৰিব।
- যিসকলে ছাত্ৰীয়ে ফাৰ্ষ্ট য়েৰত নামভৰ্তি কৰিব, তেওঁলোকক নতুনকৈ নিযুত মইনা আঁচনিৰ অধীনত ধন দিয়া হ’ব।
- মেট্ৰিক পৰীক্ষা দিব লগা ছাত্ৰ-ছাত্ৰীসকলে পৰীক্ষাৰ ৬ মাহ আগৰ পৰা মাহে ৩০০ টকাকৈ আৰ্থিক সহায় লাভ কৰিব।
- স্নাতক উত্তীৰ্ণ যুৱকসকলে প্ৰতিমাহে ২,৫০০ টকা লাভ কৰিব। ১ বছৰলৈ তেওঁলোকক এই সহায় দিয়া হ’ব।
- ১ এপ্ৰিলৰ পৰা প্ৰতি ইউনিট বিদ্যুতৰ মাচুল ১ টকাকৈ হ্ৰাস কৰা হ’ব। সম্ভৱ হ’লে নৱেম্বৰ-ডিচেম্বৰত পুনৰ ৫০ পইচা হ্ৰাস কৰা হ’ব।
- আজিৰ পৰা খেতিয়কৰ পৰা ধান ২,৫৫০ টকাত ক্ৰয় কৰা হ’ব, যাৰ পূৰ্বৰ মূল্য আছিল ২,৩০০ টকা।
- মহিলা উদ্যমিতা আঁচনিৰ অধীনত অহা বছৰত পুনৰ ২৫,০০০ টকা দিয়া হ’ব।
- মহিলা উদ্যমিতা আঁচনিৰ দ্বাৰা প্ৰায় ৩০ লাখ মহিলা উপকৃত হ’ব।
- এই আঁচনিসমূহৰ সঠিক ব্যৱহাৰ হ’লে পৰৱৰ্তী সময়ত আৰু অধিক ধন মুকলি কৰা হ’ব।
মুখ্যমন্ত্ৰীগৰাকীৰ এই ঘোষণাসমূহে ৰাজ্যৰ মহিলা, কৃষক আৰু ছাত্ৰ-ছাত্ৰীসকলৰ উন্নতি সাধন কৰিব বুলি আশা কৰা হৈছে।