মেধাৱী ছাত্ৰ-ছাত্ৰী ক অভিনন্দন ঐক্য সেনা অসমৰ ।
নাজিৰা
সদ্য ঘোষিত হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ হোৱা মেধাবী ছাত্ৰ-ছাত্ৰীসকলক ঐক্য সেনা অসমৰ নাজিৰা আৰু গেলেকী আঞ্চলিক সমিতিয়ে অভিনন্দন জ্ঞাপন কৰে।ঐক্য সেনা অসমৰ নাজিৰা আঞ্চলিক সমিতিয়ে হাইস্কুল শিক্ষান্ত পৰীক্ষাত অষ্টম স্হান দখল কৰা নামতি চাৰিআলি জাতীয় বিদ্যা নিকেতনৰ মেধাবী ছাত্ৰ অন্তৰীক্ষ হাজৰিকাক ফুলাম গামোছা,অভিনন্দন পত্ৰ আৰু কিতাপৰ টোপোলাৰে সম্বৰ্ধনা জনায়।ইয়াৰ উপৰি আঞ্চলিক সমিতিৰ বিষয়ববীয়া সকলে নাজিৰা মহকুমাৰ ভিতৰত সৰ্বোচ্চ নম্বৰসহ ডিষ্টিংচন লাভ কৰা নাজিৰা মাৰ্কাজ একাডেমীৰ আমিনুৰ ৰহমান নামৰ মেধাবী ছাত্ৰ জনৰ লগতে শিক্ষানুষ্ঠান খনৰ পৰা সুখ্যাতিৰে উত্তীৰ্ণ হোৱা মেধাবী ছাত্ৰ-ছাত্ৰী সকলকো সম্বৰ্ধনা জনায়।ইফালে ঐক্য সেনা অসমৰ গেলেকী আঞ্চলিক সমিতিয়ে গেলেকী জাতীয় বিদ্যালয়ৰ পৰা ৰাজ্যৰ ভিতৰত গণিত আৰু উচ্চ গণিতত সৰ্বোচ্চ নম্বৰ লাভ কৰি ডিষ্টিংচনসহ উত্তীৰ্ণ হোৱা দীপশিখা পাংগিংসহ বিদ্যালয় খনৰ মেধাবী ছাত্ৰ ছাত্ৰী সকলক অভিন্দন জনাই।আঞ্চলিক সমিতিখনে আদৰ্শ বিদ্যাপীঠ,গেলেকীৰ পৰা ডিষ্টিংচন লাভ কৰা অতি দৰিদ্ৰ পৰিয়ালৰ ছাত্ৰ যোগেশ কূৰ্মীসহ বিদ্যালয় খনৰ পৰা ডিষ্টিংচন,ষ্টাৰ নম্বৰসহ প্ৰথম বিভাগত উৰ্ত্তীণ ছাত্ৰ ছাত্ৰীসকলকো অভিনন্দন জনায় ।
