Ganpati Ganesh idol controversy:গণেশ মূৰ্তিৰ সাজ-পোছাকক লৈ বিতৰ্ক! আধুনিকতাৰ নামত এয়া কি?

তেলেংগানাৰ ছেকেণ্ডৰাবাদৰ সমীপত গণপতি পূজাৰ থিম আছিল বাজীৰাও মস্তানী ছবি। এই চিন্তাধাৰাৰ প্ৰতি লক্ষ্য ৰাখি বাপ্পাক মুছলমান ব্যক্তিৰ দৰে সাজ-পোছাক পৰিধান কৰোৱাৰ বাবে বিতৰ্কৰ সৃষ্টি হৈছে।(Controversy erupts over Ganpati Ganesh idol in Telangana)

দেশত গণেশ উৎসৱৰৰ মাজতে তেলেংগানাত গণেশ মূৰ্তিক লৈ সৃষ্টি হৈছে বিতৰ্ক। অভিযওগ অনুসৰি, পূজা পেণ্ডেলৰ আয়োজকসকলে বাপ্পাক মুছলমান সাজ-পোছাক পৰিধান কৰি লাখ লাখ ভক্তৰ বিশ্বাস আৰু ধৰ্মীয় আৱেগক আঘাত কৰিছে। কেতিয়াবা শিল্পৰ নামত, কেতিয়াবা সৃষ্টিশীলতাৰ নামত আৰু কেতিয়াবা তথাকথিত ধৰ্মনিৰপেক্ষতাৰ নামত মানুহে এনেকুৱা কাম কৰে যাক লৈ বিতৰ্কৰ সূত্ৰপাত হয়। তেনে কাৰ্য সংঘটিত হৈছে তেলেংগানাৰ ছেকেণ্ডৰাবাদৰ সমীপত গণেশ পূজাৰস্থলীত।

তেলেংগানাৰ ছেকেণ্ডৰাবাদৰ সমীপত এটা গণপতি পূজা পেণ্ডেলৰ থিম আছিল বাজীৰাও মস্তানী ছবি। এই থিম অনুসৰি গণেশক মুছলমান ব্যক্তিৰ দৰে সাজ-পোছাক পিন্ধাই নতুন বিতৰ্কৰ সৃষ্টি হৈছে। মানুহে কয় যে পূজাৰ বিষয়বস্তুত চিনেমাৰ দৰে সাজ-পোছাক দেখুওৱাটো কেৱল নিন্দনীয় নহয় বৰঞ্চ এক বৃহৎ পাপ। এতিয়া মানুহৰ মনত প্ৰশ্ন, আয়োজকসকলৰ উদ্দেশ্য সঠিক আছিল নে ভুল আছিল। আপুনি এ কাৰ্যক সঠিক বা ভুল কি বুলি গণ্য কৰিব?

‘বাজীৰাও মস্তানী’ ছবিৰ পৰা অনুপ্ৰাণিত গণেশৰ প্ৰতিমূৰ্তিক সামাজিক মাধ্যমত তীব্ৰ সমালোচনা কৰে ৰাইজে। সকলোৱে মাথোঁ সুধিছে এই বেয়া ধাৰণা কাৰ আছিল? ইণ্টাৰনেট ব্যৱহাৰকাৰীয়ে কয় যে গণপতি ভক্তৰ বিশ্বাসৰ সৈতে খেলা কৰাসকলক শাস্তি দিয়া উচিত। ইয়াৰ পিছত গণেশ উৎসৱৰ আয়োজকসকলে তেওঁলোকৰ স্পষ্টীকৰণত কয় যে তেওঁলোকৰ উদ্দেশ্য কাকো আঘাত দিয়া নাছিল।

ছিকেণ্ডৰাবাদত আয়োজিত বাৰ্ষিক গণপতি উৎসৱত গণেশৰ আবিৰ্ভাৱ আছিল এজন ‘মুছলমান মানুহ’ৰ দৰে।আয়োজকসকলে কয় যে গণপতি পেণ্ডেলৰ থিমটো বলীউডৰ ছবি ‘বাজীৰাও মস্তানী’ৰ পৰা অনুপ্ৰাণিত হৈছিল। আমাৰ উদ্দেশ্য কাৰো আৱেগক আঘাত কৰা নাছিল। ভুল বুজাবুজি বুলি কৈ নিজৰ ‘ভুল’ৰ ক্ষমা বিচাৰিলে আয়োজকে।