দৈনন্দিন বাৰ্তা ডেস্ক : দেশত ক’ৰোনা ভাইৰাছৰ সংক্ৰমণ বৃদ্ধি পোৱাৰ প্ৰতি লক্ষ্য ৰাখি কেন্দ্ৰই ৰাজ্য আৰু কেন্দ্ৰীয় শাসিত অঞ্চলবোৰলৈ ৮৯০.৩২ কোটিৰ টকাৰ আৰ্থিক পেকেজ বৃহস্পতিবাৰে মুকলি কৰি দিছে৷ উল্লেখ্য যে ক’ৰোনা ভাইৰাছ সংক্ৰমণৰ বিৰুদ্ধে যুঁজ কৰিবলৈ কেন্দ্ৰই দিয়া আৰ্থিক পেকেজৰ এয়া দ্বিতীয় কিস্তি৷ কেন্দ্ৰই ২২ খন ৰাজ্য আৰু কেন্দ্ৰীয় শাসিত অঞ্চললৈ ক’ভিড-১৯ৰ বিৰুদ্ধে যুঁজ কৰাত পৰিকাঠামো শক্তিশালী কৰাত এই ধনৰাশি ব্যৱহাৰ কৰিব৷ ২৪ মাৰ্চত ১৫ হাজাৰ কোটি টকাৰ পুঁজি ঘোষণা কৰা হৈছিল যিটো কেন্দ্ৰই ৰাজ্যবোৰক দিয়াৰ কথা আছিল৷ কেন্দ্ৰই সকলো ৰাজ্য আৰু কেন্দ্ৰীয় শাসিত অঞ্চলবোৰলৈ তিনি হাজাৰ কোটি টকাৰ প্ৰথম কিস্তি এপ্ৰিলত মুকলি কৰি দিছিল৷ ৰাজ্যবোৰে সেই টকাৰে বিচনা, টেষ্টিং কিট আদি কিনিছিল৷
