গোলাঘাটত পুনৰ ক’ভিড আক্ৰান্ত হৈ মৃত্যু হ’ল দুজন ব্যক্তিৰ। আজিৰ ভিতৰত জিলা খনত মৃত্যুৰ সংখ্যা ১২ জনলৈ বৃদ্ধি পালে।আজি পুৱা ৩-১৫ বজাত গোলাঘাট চহৰৰ মিচন ৰোডৰ চন্দন বাচক নামৰ ৪১ বছৰ বয়সীয়া লোকজনৰ মৃত্যু হোৱাৰ পিছতে দূপৰীয়া ১২-৩০ বজাত আব্দুল মজিদ নামৰ ৭০ বছৰীয়া লোকজনৰ মৃত্যু হৈছে।মৃত লোকজনৰ ঘৰ চহৰৰ চান্দমাৰী অঞ্চলৰ বুলি জানিব পৰা গৈছে। দুয়োজন লোককে কালি গোলাঘাটৰ ক’ভিড হাস্পাতালত ভৰ্তি কৰোৱা হৈছিল। ইফালে গোলাঘাটৰ হাউতলী চাহ বাগানত ক’ভিড আক্ৰান্তৰ সংখ্যা বৃদ্ধি পোৱাত জিলা প্ৰশাসনে বাগানখন কন্টেইমেন্ট জ’ন হিচাবে ঘোষণা কৰিছে। চৰকাৰী নিৰ্দেশ অনুসৰি আজিৰ পৰা বাগানখনলৈ কোনো লোকৰ প্ৰৱেশ-প্ৰস্থানত বাধা থাকিব।
 | ReplyForward |