কাইলৈ আৰম্ভ হ’ব ক’ভিড ভেকচিন প্ৰক্ৰিয়া৷ ভেকচিনৰ প্ৰাকমুহূৰ্তত জনতা ভৱনত আয়োজন স্বাস্থ্যমন্ত্ৰী ডঃ হিমন্ত বিশ্ব শৰ্মাৰ সংবাদমেল৷ প্ৰথমতে ৰাজনৈতিক ব্যক্তিয়ে ভেকচিন লাভৰ ক্ষেত্ৰত অগ্ৰাধিকাৰ নাপায়৷ প্ৰথম পৰ্যায়ত স্বাস্থ্যকৰ্মী, দ্বিতীয় পৰ্যায়ত সেনা-আৰক্ষী, ৩য় পৰ্যায়ত ৫০ৰ ঊৰ্ধ্বৰ আৰু জটিল ৰোগীৰ ব্যক্তিয়ে পাব ভেকচিন৷ কাইলৈ ১.৯ লাখ ভেকচিন প্ৰদান কৰা হ’ব৷
‘২.৯ লক্ষ ভেকচিন বিনামূলীয়া হ’ব৷ পাছত কি হয় সেয়া এতিয়া ক’ব নোৱাৰি কেন্দ্ৰই সিদ্ধান্ত ল’ব৷ প্ৰয়োজন হ’লে আৰোগ্য নিধিৰ পৰা চৰকাৰে খৰছ কৰিব’ বুলি হিমন্ত বিশ্বই মন্তব্য প্ৰকাশ কৰে৷ গৰ্ভৱতী মহিলাক ভেকচিন দিয়া নহ’ব৷ ইপিনে Covid Shieldৰ ক্ষেত্ৰত মৌখিক declaration দিব লাগিব৷ ভেকচিনৰ পাছত সৰু পাৰ্শ্বক্ৰিয়া হ’ব পাৰে৷ সপ্তাহত ৪ দিনহে প্ৰদান কৰা হ’ব ভেকচিন৷ ইপিনে প্ৰথম পৰ্যায়ত মুঠ ২.৯ লাখ লোকক দিব হ’ব ভেকচিন৷ দ্বিতীয় পৰ্যায়ত ১ লাখ সৈনিকক দিব লাগিব ভেকচিন৷
স্বাস্থ্যকৰ্মী চৰকাৰী আৰু ব্যক্তিগত দুয়ো খণ্ডৰে কৰ্মীয়ে পাব ভেকচিন৷ কাইলৈ পুৱা প্ৰধানমন্ত্ৰী নৰেন্দ্ৰ মোদীয়ে ১০-৩০ বজাত মুকলি কৰিব ভেকচিনৰ প্ৰক্ৰিয়া৷ক’ভিড ভেকচিন লোৱাৰ আগতে এটা লিখিত declarations দিব লাগিব৷ ক’ভিড ভেকচিন দুবাৰ ল’ব লাগিব৷ প্ৰথমটোৰ পাছত 28 দিনৰ ভিতৰত দ্বিতীয়টো ল’ব লাগিব৷ কাইলৈ গুৱাহাটী মেডিকেল কলেজত বিশেষ ১২ গৰাকীক ভেকচিন দিবৰ বাবে আমন্ত্ৰণ জনোৱা হ’ব বুলি স্বাস্থ্যমন্ত্ৰীগৰাকীয়ে উল্লেখ কৰে৷