ধেমাজি জিলাৰ জোনাই বিধান সভা সমষ্টিৰ অন্তৰ্গত মধ্য চিচিটঙানীৰ চহবাৰীত এখন জৰাজীৰ্ণ বাহৰ দলং ভাঙি গুৰুত্বভাৱে আহত হৈছে কেবাগৰাকী স্কুলীয়া ছাত্ৰ – ছাত্ৰী। দুৰ্ঘটনাত কুৰি গৰাকী ছাত্ৰ – ছাত্ৰী আহত হয় যদিও ইয়াৰে গুৰুতৰভাৱে আহত ৫ গৰাকী ছাত্ৰ – ছাত্ৰীক তাৎক্ষণিকভাৱে চিলাপথাৰ আদৰ্শ চিকিৎসালয়ত ভৰ্তি কৰোৱা হৈছে ৷ জানিব পৰা মতে অঞ্চলৰ চহবাৰী টঙানি নৈৰ ওপৰত এখন উপযুক্ত পকী দলঙ নথকাৰ বাবে ৰাইজে নিজৰ গাঁথিৰ ধন ভাঙি বাঁহৰ দলং নিৰ্মাণ কৰিছিল যদিও আজি পুৱাই বিদ্যালয়লৈ অহা কণ কণ ছাত্ৰ-ছাত্ৰী সকলে দলঙৰ ওপৰেদি পাৰ হোৱাৰ সময়তে হঠাৎ জৰাজীৰ্ণ দলঙখন ভাঙি পৰাত কেবাগৰাকী স্কুলীয়া ছাত্ৰ-ছাত্ৰী আঘাতপ্ৰাপ্ত হয়
আৰু তাৰে গুৰুতৰভাৱে আঘাতপ্ৰাপ্ত মীনা পেগু,(১৪),মনালিছা পেগু(১৪),মপী পেগু(১৩),কৃৰ্তিনাথ কুলি(১৩),গমোদ পেগু(১৩)ক ততাতৈয়াকৈ চিলাপথাৰ আদৰ্শ চিকিৎসালয় ভৰ্তি কৰোৱা হৈছে। ভাৰতবৰ্ষৰই স্বাধীনতা লাভ কৰাৰ ৭৫ বছৰ অতিক্ৰম কৰিছে যদিও টঙানি নদীৰ ওপৰত এখন পকী দলঙ নিৰ্মাণ নোহোৱাৰ ফলত যাতায়তৰ ক্ষেত্ৰত জীয়াতু ভুগি আহিছে ভূক্তভোগী ৰাইজে।
চৰকাৰ প্ৰশাসন, জনপ্ৰতিনিধিৰ চূড়ান্ত অকৰ্মন্যতা আৰু অৱহেলাৰ ফলত আজি এই ভয়ংকৰ অঘটন সংঘটিত হোৱা বুলি সচেতন মহলে দাবী কৰে। বিভিন্ন সময়ত বিজেপি চৰকাৰৰ জনপ্ৰতিনিধি সকলে উন্নয়নৰ জয়ধ্বনি দি আহিছে যদিও বৰ্তমান সময়ত ৰাজ্যৰ গ্ৰাম্য অঞ্চলত কিমান পৰ্যায়ত উন্নয়ন হৈছে সেয়া আজিৰ এই ঘটনাই স্পষ্ট দেখা দিছে। উন্নয়নৰ ফোঁপোলা ঢাকঢোল বজাই অহা বিজেপি চৰকাৰ তথা স্হানীয় জনপ্ৰতিনিধি সকলক ৰাইজে আহ্বান জনাইছে যে আজিৰ ঘটনা দ্বিতীয়বাৰ যাতে তেনে ঘটনাৰ পুনৰাবৃত্তি নহয় তাৰে বাবে চহবাৰীৰ টঙানি নদীৰ ওপৰত এখন পকী দলং নিৰ্মাণৰ কৰিবলৈ ৰাইজে দাবী জনাইছে।
ফটো দিছো
শম্ভু দাস চিলাপথাৰ