ছয়গাঁও, ১৫নৱেম্বৰ : জুৱা খেলেই অভিশপ্ত অমানিশা নমাই আনিলে এটা দুৰ্ভগীয়া পৰিয়াললৈ । কণমানি সন্তান আৰু পৰিবাৰক ইহ সংসাৰত এৰি পৰলোকলৈ গমণ কৰিলে এজন ৩৮বছৰীয়া চফল যূবকে। এনেধৰণৰ ঘটনা সংঘটিত হয় কামৰূপ জিলাৰ ছয়গাঁও আৰক্ষী থানাৰ অন্তৰ্গত বৰবাহাৰ গাঁৱত ।ঘটনাৰ বিৱৰণী মতে দীপাৱলীৰ উৎসাহ উদ্দীপনাৰ মাজতে এচাম উন্মাদ যুৱকে গাওঁখনত হেনো জুৱা খেল পাতিছিল । সেই খবৰ বিশেষ সূত্ৰে আৰক্ষীৰ কাণত পৰাত শুক্ৰবাৰে নিশা ১১মান বজাত ছয়গাঁও আৰক্ষী ঘটনাস্থলীত উপস্থিত হয় । তেনে সময়তে সমবেত হৈ থকা সকলো লোক ছত্ৰভঙ্গ দিয়ে।কিন্তু দুখৰ বিষয় প্ৰত্যক্ষদৰ্শী লোকৰ ভাষ্যমতে যি গৰাকী লোক খাৱৈ তথা পুখুৰীত পৰি মৃত্যুবৰণ কৰিলে তেওঁহেনো লগৰীয়াৰ সৈতে পথৰ দাঁতিৰ বেঞ্চত বহি আছিল । হঠাতে আৰক্ষীৰ আগমণত সকলোৱে দৌৰিবলৈ লোৱাত যুৱকজনেও দৌৰি পলাবলৈ চেষ্টা কৰোতে ওচৰতে থকা ৰাজহুৱা পুখুৰীত পৰি পানীত ককবকাবলৈ ধৰে। আচাৰ্যকৰ কথা যে আৰক্ষীয়ে লগে লগে দুজন লোকক কৰায়ত্ব কৰি থানালৈ অনাৰ বিপৰীতে পানীত ডুব যোৱা যুৱকজনক টৰ্চ লাইট মাৰি মাৰি দাবী ধমকি দি পুখুৰীতে এৰি থৈ আহে । যাৰ ফলত যুবক জনে মৃত্যুবৰণ কৰে । এয়াই নেকি আৰক্ষীৰ মানবতা । ইয়াকে লৈ কালি গাওঁখনৰ লোক খঙত খৰ্গহস্ত হৈ মৃত যুৱকজনক উদ্ধাৰ কৰিবলৈ যোৱা আৰক্ষীৰ বিৰুদ্ধে বিভিন্ন শ্ল’গান দি পৰিস্থিতি বিষময় কৰি তোলে । পিছত কামৰূপ জিলা উপ-আৰক্ষী অধীক্ষক কল্যাণ পাঠকৰ উপস্থিতিত পৰিস্থিতি কিছু শামকাটে আৰু মৃতদেহ থানালৈ লৈ আহে।উল্লেখ্য যে যুবকজনৰ গাওঁ বৰবাহাৰ আৰু সাতপাৰা ৰাইজ গয়ৰহ মিলি মৃত্যুৰ কাৰণ বিচাৰি আৰক্ষীলৈ এজাহাৰ দাখিল কৰে আৰু আৰক্ষীৰ লোকে যুবকজনক পানীৰ পৰা উদ্ধাৰ কৰা পৰিৱৰ্তে কিয় পানীত ভয় দেখুৱাই এৰি থৈ আহিল সেয়াহে ৰহস্য হৈ পৰিল।মুঠৰ ওপৰত জুৱাৰ বাবে কাল অমানিশা নামি আহিল এই দুৰ্ভগীয়া পৰিয়ালটোৰ । তথাপিও কাৰ চত্ৰছায়াত বৃহত্তৰ ছয়গাঁও অঞ্চলটোত বৰ্তমানেও জুৱা খেল অব্যাহত আছে সেয়া ৰহস্যৰ আৱৰ্তত ।
