নতুন দিল্লী, ২৫ অক্টোবৰ: দিল্লী সুৰা নীতিৰ(Delhi Liquor Policy Case) সৈতে জড়িত দুৰ্নীতিৰ গোচৰত শুকুৰবাৰে উচ্চতম ন্যায়ালয়ে ব্যৱসায়ী অমনদীপ সিং ধল্ল(Amandeep Singh Dhall)ৰ জামিন মঞ্জুৰ কৰে। এই নিৰ্দেশৰ পিছত সুৰা নীতি গোচৰৰ আটাইকেইজন অভিযুক্তই জামিন লাভ কৰিলে।
ইয়াৰ পূৰ্বে উচ্চতম ন্যায়ালয়ে দিল্লীৰ প্ৰাক্তন মুখ্যমন্ত্ৰী অৰবিন্দ কেজৰিৱাল(Former Delhi Chief Minister Arvind Kejriwal), আম আদমি পাৰ্টিৰ নেতা মনীষ ছিছ’দিয়া(AAP leaders Manish Sisodia), সঞ্জয় সিং আৰু বি আৰ এছ এম এল এছৰ কে কবিথা(BRS MLS K Kavitha)ক দিল্লী আবকাৰী নীতিৰ অভিযোগত জামিন মঞ্জুৰ কৰিছিল।
ন্যায়াধীশ সূৰ্য কান্ত আৰু উজ্জ্বল ভূঞাৰ বিচাৰপীঠে(Bench of Justices) কয় যে চিবিআই(CBI) গোচৰটোত প্ৰায় ৩০০ গৰাকী সাক্ষী আছিল যাক লৈ কেন্দ্ৰীয় সংস্থাটোৱে আৰু অনুসন্ধান কৰিব বিচাৰিছে । যাৰ ফলত অতি শীঘ্ৰে এই বিচাৰৰ অন্ত পৰাৰ সম্ভাৱনা নাই। বিচাৰপীঠে উল্লেখ কৰে যে,, ৫০০ দিনতকৈ বেছি সময় কাৰাগাৰত থকা ধল্লক আৰু অধিক সময় জিম্মাত ৰখাটোৱে কোনো উদ্দেশ্য সাধন নকৰে ।
ধল্লৰ হৈ জ্যেষ্ঠ অধিবক্তা সিদ্ধাৰ্থ ডেভে বিচাৰপীঠৰ সন্মুখত যুক্তি দিছিল যে তেওঁৰ ক্লায়েণ্টৰ বাহিৰে সকলো সহ অভিযুক্তই জামিন লাভ কৰিছে। ইয়াৰ পূৰ্বে সুৰা নীতিৰ সৈতে জড়িত ধন সৰবৰাহৰ গোচৰত ধলক জামিন প্ৰদান কৰা হৈছিল ।
ধল্লক উচ্চতম ন্যায়ালয়ে সকাহ প্ৰদান কৰি স্পষ্ট কৰি দিয়ে যে গোচৰৰ গুৰুত্ব সন্দৰ্ভত ন্যায়ালয়ে কোনো ধৰণৰ মন্তব্য প্ৰকাশ কৰা নাই । ন্যায়ালয়ে লগতে কয়, বিচাৰ আদালতৰ দ্বাৰা নিৰ্ধাৰণ কৰা চৰ্তসমূহৰ অধীনতহে এই জামিন মঞ্জুৰ কৰা হৈছে।
শুনানিৰ সময়ত বিচাৰপীঠে চিবিআইৰ অধিবক্তাক কয় যে, তেওঁলোকে দোষী সাব্যস্ত হোৱাৰ হাৰৰ ওপৰতহে অধিক গুৰুত্ব দিয়ক যাতে বগা কাপোৰ পৰিধান কৰা অপৰাধীসকললৈ এটা বাৰ্তা দিব পাৰে । চিবিআইৰ অধিবক্তাক বিচাৰপীঠে কয় যে, “আপোনাৰ দোষী সাব্যস্ত হোৱাৰ হাৰ…আপুনি সেইটোৰ ওপৰত মনোনিৱেশ কৰিব লাগিব। আপোনাৰ সাক্ষীৰ সংখ্যাৰ পৰিৱৰ্তে মাণদণ্ডৰ ওপৰত গুৰুত্ব দিয়া প্ৰয়োজন।”
২০২৪ চনৰ ৪ জুন তাৰিখে দিল্লী উচ্চ ন্যায়ালয়ৰ সিদ্ধান্তক প্ৰত্যাহ্বান জনোৱা ধল্লৰ আবেদনৰ ওপৰত উচ্চতম ন্যায়ালয়ে এই নিৰ্দেশ গৃহীত কৰে। ইয়াৰ মাজতে চিবিআইৰ গোচৰত তেওঁক নিয়মীয়া জামিন দিয়াত অস্বীকাৰ কৰা হৈছিল। এই গোচৰৰ সন্দৰ্ভত চিবিআইয়ে যোৱা বছৰৰ এপ্ৰিল মাহত তেওঁক গ্ৰেপ্তাৰ কৰিছিল।
কেন্দ্ৰীয় সংস্থাটোৰ মতে, ধল্লে আন অভিযুক্তৰ সৈতে ষড়যন্ত্ৰ কৰি সুৰা নীতি প্ৰণয়নত সক্ৰিয়ভাৱে জড়িত আছিল আৰু বিভিন্ন উপায়েৰে ‘আপ’ক উৎকোচ দিয়াৰ লগতে দক্ষিণ গোটৰ দ্বাৰা ইয়াক উদ্ধাৰ কৰাত সহায় কৰিছিল বুলি অভিযোগ উঠিছিল। চিবিআই আৰু ইডিৰ তথ্য অনুসৰি, আবকাৰী নীতি সংশোধন কৰাৰ সময়ত এই অনিয়ম সংঘটিত হৈছিল আৰু অনুজ্ঞাপত্ৰধাৰীসকলক অযথা অনুগ্ৰহ প্ৰদান কৰা হৈছিল।
লগতে পঢ়ক: নিৰ্বাচন আয়োগে সুশৃংখল প্ৰচাৰৰ অনুমতিৰ বাবে নতুনকৈ মুকলি কৰিলে উন্নীত Suvidha 2.0 মোবাইল এপ্প