Atishi Marlena Speech: দিল্লীৰ মুখ্যমন্ত্ৰী হৈ প্ৰথমে কি ক’লে আতিশী মাৰ্লেনাই

দিল্লীৰ নতুন মুখ্যমন্ত্ৰী আতিশী মাৰ্লেনাই তেওঁক অভিনন্দন বা মালা নিপিন্ধাবলৈ ৰাইজক আহ্বান জনাইছে। নতুন মুখ্যমন্ত্ৰী আতিশীয়ে কয় যে দিল্লীৰ মুখ্যমন্ত্ৰী এজনহে আছে আৰু তেওঁৰ নাম অৰবিন্দ কেজৰিৱাল। বিগত দুবছৰে বিজেপিয়ে তেওঁক হাৰাশাস্তি কৰাৰ লগতে তেওঁৰ বিৰুদ্ধে ষড়যন্ত্ৰ ৰচনা কৰিছিল যদিও সেই প্ৰভাৱ তেওঁৰ গাত পৰা নাই। এনে এজন সৎ ব্যক্তিৰ বিৰুদ্ধে বিজেপিয়ে দুৰ্নীতিৰ ভুৱা অভিযোগ উত্থাপন কৰি গোচৰ ৰুজু কৰি ছমাহ কাৰাগাৰত ৰাখিলে।(Delhi New CM Atishi marlena 1st Speech)

উচ্চতম ন্যায়ালয়ৰ পৰা জামিন পোৱাৰ পিছতো তেওঁ পদত্যাগ কৰি জনসাধাৰণৰ আদালতলৈ যোৱাৰ সিদ্ধান্ত লোৱা বুলি উল্লেখ কৰি দিল্লীৰ ৰাইজে সৎ বুলি ক’লেহে মুখ্যমন্ত্ৰীৰ চকীত বহিব বুলি কয়। ইতিহাসত এনে ত্যাগ আমি বিচাৰি নাপাম। তেওঁৰ পদত্যাগৰ বাবে দিল্লীৰ জনসাধাৰণে মৰ্মাহত হৈ নিজৰ পুত্ৰক অতি সোনকালে পুনৰ মুখ্যমন্ত্ৰী হিচাপে চাব বিচাৰিছে। দিল্লীৰ নতুন মুখ্যমন্ত্ৰী হৈ দিল্লীবাসীৰ আঘত এইদৰে মন্তব্য ৰাখে মুখ্যমন্ত্ৰী আতিশী মাৰ্লেনাই।

আতিশিয়ে কয় যে অৰবিন্দ কেজৰিৱালে মোক ইমান বিশ্বাস কৰাৰ বাবে মই সুখী, কিন্তু আজি মোৰ মনত সুখতকৈ দুখ বেছি। দুখৰ কাৰণ দিল্লীৰ জনপ্ৰিয় মুখ্যমন্ত্ৰী আৰু মোৰ জ্যেষ্ঠ ভাই অৰবিন্দ কেজৰিৱালে আজি পদত্যাগ কৰিছে। আজি আম আদমি পাৰ্টিৰ সকলো বিধায়ক আৰু দিল্লীৰ দুই কোটি জনতাৰ হৈ ক’ব বিচাৰিছোঁ যে দিল্লীৰ এজনে মুখ্যমন্ত্ৰী আৰু তেওঁৰ নাম অৰবিন্দ কেজৰিৱাল। বিগত দুবছৰ ধৰি অৰবিন্দ কেজৰিৱালক হাৰাশাস্তি কৰি তেওঁৰ বিৰুদ্ধে ষড়যন্ত্ৰ ৰচনা কৰিছিল বিজেপিয়ে। আই আৰ এছৰ চাকৰি এৰিব পৰা এজন ব্যক্তি, নতুন ৰাজনৈতিক দলৰ পৰা প্ৰথমবাৰৰ বাবে নিৰ্বাচন প্ৰতিদ্বন্দ্বিতা কৰি মুখ্যমন্ত্ৰীৰ পদৰ পৰা পদত্যাগ কৰিব পৰা ব্যক্তি, এনে এজন সৎ ব্যক্তিৰ বিৰুদ্ধে বিজেপিয়ে তেওঁক দুৰ্নীতিৰ অভিযোগ উত্থাপন কৰিছিল, মিছা আৰু ভুৱা দাখিল কৰিছিল গোচৰ। ইডি-চিবিআইৰ দৰে এজেন্সীক পিছ পেলাই দিলে। মিছা গোচৰত ৬ মাহ জেলত ৰখা হৈছিল। অৱশেষত উচ্চতম ন্যায়ালয়ে তেওঁক জামিন মঞ্জুৰ কৰে।(arvind kejriwal)

আতিশীয়ে কয় যে উচ্চতম ন্যায়ালয়ে কেৱল অৰবিন্দ কেজৰিৱালক জামিন প্ৰদান কৰাই নহয়, আদালতে কেন্দ্ৰীয় বিজেপি চৰকাৰ আৰু ইয়াৰ সংস্থাসমূহক চৰ মাৰিছে। কেন্দ্রীয় চৰকাৰৰ এজেন্সীসমূহ পিঞ্জৰাত বন্দী কপৌৰ দৰে আৰু অৰবিন্দ কেজৰিৱালক গ্ৰেপ্তাৰ কৰাটো ভুল বুলি উল্লেখ কৰে আদালতে৷ অৰবিন্দ কেজৰিৱালৰ ঠাইত যদি আন কোনো মুখ্যমন্ত্ৰী বা নেতা থাকিলহেঁতেন তেন্তে মুখ্যমন্ত্ৰীৰ চকীত বহিবলৈ তেওঁ দুমিনিটৰ বাবেও চিন্তা নকৰিলেহেঁতেন, কিন্তু অৰবিন্দ কেজৰিৱালে যি কৰিলে সেয়া দেশৰ ইতিহাসত বা সমগ্ৰ বিশ্বৰ ইতিহাসত কেতিয়াও হোৱা নাই। অৰবিন্দ কেজৰিৱালে কয় যে উচ্চতম ন্যায়ালয়ৰ সিদ্ধান্ত তেওঁৰ বাবে যথেষ্ট নহয়, তেওঁ ৰাইজ আদালতলৈ যাব আৰু যেতিয়া দিল্লীৰ ৰাইজে তেওঁক ক’ব যে তেওঁলোকে অৰবিন্দ কেজৰিৱালক মুখ্যমন্ত্ৰী হিচাপে চাব বিচাৰে আৰু যেতিয়া জনসাধাৰণে ক’ব যে তেওঁলোকে কেজৰিৱালক বিশ্বাস কৰে সৎ হ’লেহে মুখ্যমন্ত্ৰীৰ চকীত বহিব। অৰবিন্দ কেজৰিৱালে দেশৰ সন্মুখত ৰখা গণতন্ত্ৰৰ ইতিহাসত এনে ত্যাগৰ কোনো উদাহৰণ আমি বিচাৰি পাম বুলি মই নাভাবো।

আতিশীয়ে কয় যে অৰবিন্দ কেজৰিৱালৰ পদত্যাগৰ বাবে সমগ্ৰ দিল্লীৰ জনসাধাৰণ দুখী। সোমবাৰে সন্ধিয়া কেজৰিৱালে পদত্যাগ কৰাৰ খবৰ পাই কান্দিবলৈ ধৰিলে এগৰাকী বৃদ্ধা। তেওঁ কয় যে কেজৰিৱাল তেওঁৰ পুত্ৰৰ দৰেই, বিজেপিৰ মানুহে তেওঁক বহুত হাৰাশাস্তি কৰিছিল, তেওঁৰ বিৰুদ্ধে মিছা অভিযোগ উত্থাপন কৰিছিল। বৃদ্ধাগৰাকীয়ে কয় যে তেওঁ ঘৰে ঘৰে গৈ মানুহক ক’ব যে তেওঁ নিজৰ পুত্ৰক মুখ্যমন্ত্ৰী বনাব বিচাৰে। আজি সকলো দিল্লীৰ জনসাধাৰণৰ খং উঠিছে। বিজেপিৰ ষড়যন্ত্ৰক লৈ তেওঁ অতিশয় ক্ষুব্ধ হৈ পুত্ৰ অৰবিন্দ কেজৰিৱালক পুনৰ দিল্লীৰ মুখ্যমন্ত্ৰী হিচাপে চাব বিচাৰে বুলি কয়।

দিল্লীৰ মুখ্যমন্ত্ৰী হৈ এইদৰে দিল্লীবাসীৰ সন্মুখত প্ৰথম প্ৰতিক্ৰিয়া প্ৰকাশ কৰে আতিশী মাৰ্লেনাই।