নামনি সোৱণশিৰি বৃহৎ নদীবান্ধ প্ৰকল্পৰ বিৰুদ্ধে ঢকুৱাখনা মহকুমা আঞ্চলিক ছাত্রৰ প্ৰতিবাদ

দৈনন্দিন বাৰ্তা : ঢকুৱাখনা

গেৰুকামুখত নিৰ্মাণ হৈ থকা নামনি সোৱণশিৰি বৃহৎ নদীবান্ধ প্ৰকল্পৰ বিৰুদ্ধে ঢকুৱাখনা মহকুমা আঞ্চলিক ছাত্র সন্থাই আজি দিনৰ ১২ বজাত আঞ্চলিক ছাত্র সন্থাৰ কাৰ্যলয়ৰ সন্মুখ স্থানত শাৰীৰিক দূৰত্ব মানি হাতত প্লেকাৰ্ড লৈ মানৱ শৃংখল কাৰ্যসূচী ৰূপায়ন কৰে। ঢকুৱাখনা মহকুমা আঞ্চলিক ছাত্র সন্থাই বৃহৎ নদীবান্ধটো ৰাষ্ট্ৰীয় পৰ্যায়ৰ বিশেষজ্ঞ কমিটিয়ে আগবঢ়োৱা নীতি নিয়ম পৰিহাৰ কৰি মূল বান্ধৰ কাম চলাই নিয়া কাৰ্যক তীব্ৰ গৰিহণা জনোৱাৰ লগতে নামনি অঞ্চলৰ ৰাইজৰ জীৱন আৰু সম্পত্তিৰ নিৰাপত্তা সুনিশ্চিত নোহোৱালৈকে আৰু বিশেষজ্ঞ সমিতিৰ পৰামৰ্শ সমূহৰ বিজ্ঞানসন্মত নিস্পত্তি নোহোৱা পৰ্য্যন্ত মূল নদী বান্ধৰ কাম বন্ধ ৰাখিবলৈ দাবী জনাইছে । ইপিনে কাৰ্যসূচীত, সদৌ লখিমপুৰ জিলা ছাত্ৰ সন্থাৰ বিত্ত সম্পাদক দিলীপ কুমাৰ কোঁৱৰ, আঞ্চলিক ছাত্র সন্থাৰ উপ সভাপতি মৃগাংক দত্ত, সম্পাদক স্বৰাজ শংকৰ গগৈ,তুৰণজ্যোতি বৰুৱা,ৰূপজ্যোতি বৰবৰা, অংকুৰজ্যোতি দাস,ৰিদিপ চেতিয়া,ৰাজদীপ সূত,দীপক মিলি,ৰক্তিম বুঢ়াগোহাঁই, ৰীতিক চমুৱা, দাদু হাজৰিকা লগতে ছাত্র সন্থাৰ বিষয়ববীয়া উপস্থিত থাকে।

পাপু বৰুৱা, ঢকুৱাখনা

ফোন নং 8135831234