দৈনন্দিন বাৰ্তা ডিজিটেল ডেস্কঃ ২০২১ চনৰ বিধানসভাৰ নিৰ্বাচনৰ পূৰ্বে কংগ্ৰেছ দলত বৃহত্ খহনীয়া। একেলগে পদত্যাগ কৰিলে ডিব্ৰুগড় জিলাৰ সভাপতি-সম্পাদক সহ মুঠ ৩৬ গৰাকী সক্ৰিয় NSUI কৰ্মীয়ে। দলৰ বিসম্বাদ আৰু শীৰ্ষ নেতৃত্বৰ কাম-কাজত অসন্তুষ্ট হৈ দলত্যাগ কৰিলে আটাইকেইজন নেতাই। সদ্য পদত্যাগী ডিব্ৰুগড় NSUIৰ নেতা কেইজনে কংগ্ৰেছ দলৰ বিৰুদ্ধে স্বজন-তোষণৰ অভিযোগ উত্থাপিত কৰিছে। সদ্য পদত্যাগী ডিব্ৰুগড় NSUIৰ সম্পাদক জয়দীপ গগৈয়ে সংবাদ মাধ্যমক জানিবলৈ দিয়া মতে, দলৰ পৰা অব্যাহতি লোৱা কৰ্মী সকলে বিজেপি দলত যোগদান কৰাৰ পূৰ্ণ সম্ভাৱনা আছে। একেলগে ৩৬ গৰাকী NSUI ৰ কৰ্মী দলটোৰ পৰা পদত্যাগ কৰাত এতিয়া একপ্ৰকাৰ শূন্য হৈ পৰিলে NSUI ৰ ডিব্ৰুগড় জিলা সমিতি। ফলত অনাগত নিৰ্বাচনত ডিব্ৰুগড় জিলাত কংগ্ৰেছ দলে বিপদৰ সন্মুখীন হ’ব সেয়া একপ্ৰকাৰ নিশ্চিত।
