দীঘলীপুখুৰী পাৰৰ গছ কটাৰ বিৰোধিতাৰে কৰা প্ৰতিবাদৰ পিছতে মুখ্যমন্ত্ৰী হিমন্ত বিশ্ব শৰ্মাই প্ৰথম প্ৰতিক্ৰিয়া প্ৰকাশ কৰে।(Dighalipukhuri Old Trees)
উৰণ সেতু নিৰ্মাণৰ নামত বিভিন্ন প্ৰান্তত চলিছে অবাধ ধ্বংসলীলা। উৰণ সেতু নিৰ্মাণৰ বাবে এতিয়া গুৱাহাটীৰ ঐতিহাসিক দীঘলীপুখুৰী পাৰৰ ২৮ জোপা গছ কাটি পেলোৱাৰ সিদ্ধান্ত লোৱা হৈছে।(Dighalipukhuri) এই গছ কেইজোপাতে লুকাই আছে গুৱাহাটীৰ দীঘলীপুখুৰী পাৰৰ সৌন্দৰ্য। চৰকাৰৰ তথা লোক নিৰ্মাণ বিভাগৰ এনে হঠকাৰী সিদ্ধান্তত জাঙোৰ খাই উঠিছে সাধাৰণ ৰাইজ তথা দল-সংগঠন। আনহাতে সামাজিক মাধ্যমতো বিভিন্ন জনে বিভিন্ন প্ৰতিক্ৰিয়া প্ৰকাশ কৰিছে।(Cm Himanta Hiswa Sarma)
গছ কটাক লৈ ২৯ অক্টোবৰতো দীঘলীপুখুৰীত বহুলোকে তীব্ৰ প্ৰতিবাদ সাব্যস্ত কৰিছিল। আজিও প্ৰতিবাদ হৈছে দীঘলীপুখুৰীৰ পাৰত। নিশাও একাংশ সচেতন লোকে সাব্যস্ত কৰে প্ৰতিবাদ৷(Protest)
প্ৰতিবাদকাৰীৰ হুংকাৰ যে কোনো পধ্যেই এই গছ তেওঁলোকে কাটিবলৈ নিদিয়ে। এই গছ শ শ পক্ষীৰ আশ্ৰয়স্থল আৰু জিৰণি লোৱাৰ একমাত্ৰ স্থান। ইয়াৰোপৰি বহু মানুহৰ স্মৃতি জড়িত হৈ আছে এই গছসমূহৰ লগত। প্ৰতিবাদকাৰীসকলে মুখ্যমন্ত্ৰী হিমন্ত বিশ্ব শৰ্মাক এই গছ কেইজোপা ৰক্ষা কৰিবলৈ কাতৰ আহ্বান জনাইছিল।
বিভিন্ন জনে সামাজিক মাধ্যমত গছ কটাৰ বিৰোধিতা কৰে। শিল্পী পাপনেও সামাজিক মাধ্যমত প্ৰতিক্ৰিয়া প্ৰকাশ কৰে।(Papon)
সামাজিক মাধ্যমত গছ কটাৰ বিৰোধীতাৰে জুবিনে ক’লে গছ নেকাটিব। নেপায়।(Zubeen Grag)
সামাজিক মাধ্যমত দীঘলীপুখুৰীৰ পাৰৰ গছ কটাৰ বিৰোধীতাৰে কণ্ঠশিল্পী দিপলীনা ডেকাই ক’লে “সেঁতু নিৰ্মাণ কৰক, ধ্বংস নহয়- প্রাচীনগছবোৰ থাকক আমাৰ ভৱিষ্যতৰ মূল ৰূপে”(Deeplina Deka)
দীঘলীপুখুৰীৰ পাৰৰ গছ কটাৰ বিৰোধীতাৰে গৰিমা শইকীয়া গাৰ্গে ক’লে যদি সঁচাকৈ গছ কটাৰ সিদ্ধান্ত সলনি কৰিছে তেন্তে সেয়া ভাল কথা। কিন্তু এনে নিকৃষ্ট কথাবোৰ ভাবে কোনে?এনেকুৱা পৰিস্থিতিবোৰৰ উদ্ভাৱন হয় কিয়?(Garima Saikia Garg)
বিভিন্ন জনৰ বিভিন্ন মন্তব্যৰ মাজতে সামাজিক মাধ্যমত মুখ্যমন্ত্ৰী ক’লে মই আপোনালোকক আশ্বস্ত কৰিব বিচাৰোঁ যে চৰকাৰে আন্তঃগাঁথনি আগুৱাই নিয়াৰ সমান্তৰালকৈ আমাৰ চহৰৰ ঐতিহ্য আৰু পৰিৱেশ সংৰক্ষণৰ দিশতো আমি গভীৰভাৱে প্ৰতিশ্ৰুতিবদ্ধ। দীঘলীপুখুৰীৰ পৰা নুনমাটিলৈ উৰণ সেতু নিৰ্মাণৰ ক্ষেত্ৰত আমি আন্তৰিকতাৰে অঞ্চলটোৰ পুৰণি গছবোৰ সুৰক্ষিত ৰখাৰ বাবে কাম কৰি আছোঁ৷ এটা বিকল্প প্ৰস্তাৱৰ সন্ধান আৰু ইয়াৰ সম্ভাৱনীয়তা মূল্যায়ন কৰাৰ বাবে লোক নিৰ্মাণ বিভাগক কেইদিনমান সময় দিবলৈ মই সকলো অংশীদাৰক আহ্বান জনাইছোঁ৷(Cm Himanta Hiswa Sarma assured to protect trees in the dighalipukhur)