প্ৰধানমন্ত্ৰী মোডীক সাক্ষাৎ কৰে দিলজিৎ দোসাঞ্জে। নৱবৰ্ষৰ প্ৰথম দিনা প্ৰধানমন্ত্ৰী মোডীক দিলজিৎ দোসাঞ্জে সাক্ষাৎ কৰা কিছু ভিডিঅ’ আৰু ফটো শ্বেয়াৰ কৰিছে গায়কগৰাকীয়ে। ইয়াৰ লগতে তেওঁ নিজৰ সুখৰ কথাও প্ৰকাশ কৰে।(Diljit Dosanjh Meets PM Modi)
প্ৰধানমন্ত্ৰী মোডীক লগ কৰিবলৈ দিলজিৎ দোসাঞ্জে ক’লা ৰঙৰ কোট, একে ৰঙৰ পেণ্ট আৰু একে ৰঙৰ মেচিং পাগুৰি পিন্ধি গৈছিল। লগতে হাতত ফুলৰ থোপা এটা লৈ থকা দেখা গৈছে। প্ৰধানমন্ত্ৰীৰ সৈতে ফটো আৰু ভিডিঅ’ শ্বেয়াৰ কৰি দিলজিতে লিখিছে – ‘স্মৰণীয় কথা-বতৰা।’
দিলজিৎ দোসাঞ্জৰ কণ্ঠক প্ৰশংসা কৰে প্ৰধানমন্ত্ৰী মোদীয়ে। প্ৰধানমন্ত্ৰী মোদীয়ে কয়- ‘ভাৰতৰ এজন গাঁৱৰ ল’ৰাই যেতিয়া নিজৰ নাম পৃথিৱীত বিখ্যাত কৰি তুলে তেতিয়া ভাল লাগে। তোমাৰ পৰিয়ালে তোমাক দিলজিত নাম ৰাখিলে, গতিকে তুমি মানুহৰ হৃদয় জয় কৰিয়েই থাকে। তেতিয়া দিলজিতে ক’লে যে আমি আগতে পঢ়িছিলোঁ যে মোৰ ভাৰত মহান। কিন্তু কনচাৰ্টৰ সময়ত বহু চহৰ ভ্ৰমণ কৰি গম পালোঁ মোৰ ভাৰতক কিয় মহান বুলি কোৱা হয়। এই সন্দৰ্ভত মোডীয়ে কয় যে সঁচাকৈয়ে ভাৰতৰ বিশালতা নিজৰ মাজতে এক বৃহৎ শক্তি।
এই সময়ত দিলজিতে যোগৰ কথা ক’লে। তেওঁ কৈছিল যে ‘ভাৰতত আটাইতকৈ ডাঙৰ যাদু হৈছে যোগ। এই সন্দৰ্ভত প্ৰধানমন্ত্ৰী মোদীয়ে কয় যে যিজনে যোগৰ অভিজ্ঞতা লাভ কৰিছে তেওঁ ইয়াৰ শক্তি জানে। দিলজিতে পাঞ্জাৱী গীত এটা গুণগুণাইও শুনালে প্ৰধানমন্ত্ৰীগৰাকীক।
