বৰপেটা জিলাৰ বাঘমাৰা চৰ সমবায় সমিতিৰ অন্তৰ্গত ভাতনাপাইতিত এজেন্ট ছফেৰ আলীৰ বিৰুদ্ধে গ্ৰাহকে কৰিলে প্ৰতিবাদ।
বাঘমাৰা চৰ সমবায় সমিতিৰ বিতৰ্কিত এজেণ্ট ছফেৰ আলীয়ে বিগত জানুৱাৰী আৰু ফেব্ৰুৱাৰী মাহৰ খাদ্য সুৰক্ষাৰ বিনামূলীয়া চাউল গ্ৰাহকক বিতৰণ নকৰাৰ অভিযোগ।
এজেন্ট ছফেৰ আলীৰ বিৰুদ্ধে খাদ্য সুৰক্ষাৰ বিনামূলীয়া চাউলৰ কাৰ্ড বনাই দিয়াৰ নামতো তিনিৰ পৰা পাঁচ হেজাৰ টকা লোৱাৰো অভিযোগো উত্থাপন কৰিছে একাংশই। আনকি চৰকাৰে গ্ৰাহকক মাহেকত দুবাৰকৈ চাউল যোগান ধৰে যদিও এজেন্ট ছফেৰ আলীয়ে মাহেকত এবাৰকৈহে বিতৰণ কৰি আহিছে বুলি অভিযোগ উত্থাপন কৰে প্ৰতিবাদকাৰীয়ে।এই সন্দৰ্ভত একাংশ গ্ৰাহকে বৰপেটাৰ খাদ্য আৰু অসামৰিক যোগান বিভাগক এক লিখিত অভিযোগ কৰে যদিও বিভাগীয় ভাৱে ব্যৱস্থা গ্ৰহণ নকৰাত গ্ৰাহকে যোগান বিভাগৰ বিৰুদ্ধেও প্ৰতিবাদ সাব্যস্ত কৰে।ৰাইজৰ এই প্ৰতিবাদৰ পাছত বাঘমাৰা চৰ সমবায় সমিতিৰ গুৰু গোসাঁই নমনা এজেন্ট ছফেৰ আলীৰ বিৰুদ্ধে যোগান বিভাগে কি ব্যৱস্থা গ্ৰহণ কৰে সেয়া সময়ত লক্ষণীয় হ’ব।