নগাঁৱত শিক্ষাৰ্থীক চাইকেল বিতৰণ ৷ নগাঁৱত চাইকেল বিতৰণ বিত্তমন্ত্ৰী অজন্তা নেওগৰ । নগাঁও জিলাৰ নৱমমান শ্ৰেণীৰ ২০,১৭৬ গৰাকী শিক্ষাৰ্থীক বিতৰণ কৰা হয় চাইকেল ৷ চাইকেল বিতৰণৰ শুভাৰম্ভ কৰি দিয়া ভাষণত মন্ত্ৰী গৰাকীয়ে কয় যে মূখ্যমন্ত্ৰী হিমন্ত বিশ্ব শৰ্মা শিক্ষামন্ত্ৰী হৈ থকা সময়ৰে পৰা অসমৰ শৈক্ষিক ক্ষেত্ৰখনৰ দ্ৰুত পৰিবৰ্তন হৈছে। ছাত্ৰ – ছাত্ৰীৰ বাবে আমাৰ চৰকাৰখনে বিভিন্ন আঁচনি গ্ৰহণ কৰাৰ কথা উল্লেখ কৰি মন্ত্ৰী গৰাকীয়ে শিক্ষাৰ্থীসকলক অধ্যয়নত ব্ৰতী হবলৈ আহ্বান জনায়।
অনুষ্ঠানত বিধায়ক ক্ৰমে ৰূপক শৰ্মা, জিতু গোস্বামী, শশীকান্ত দাস,নগাঁও জিলা আয়ুক্ত নৰেন্দ্ৰ কুমাৰ শ্বাহসহ, শিক্ষা বিভাগৰ বিষয়া কৰ্মচাৰী, শিক্ষক-শিক্ষয়িত্ৰী আদি উপস্থিত থাকে।