ডবকা, ৬ ডিচেম্বৰ : হোজাই জিলাৰ ডবকা মিকিৰাটি হাও গাওঁৰ বাসিন্দা তথা আমবাৰী হাইস্কুলৰ আৰবী শিক্ষক ক্বাজী, মৌলানা ছামান আলী বৰভূঞাৰ যোৱা নিশা ১২.২০ বজাত মৃত্যু হয়। দীৰ্ঘদিনৰ পৰা ক্বাজী ছামান আলীয়ে হৃদয়ৰোগ আক্ৰান্ত হৈ চিকিৎসাধীন হৈ আছিল ৷ আজি দিনৰ ১.৩০ বজাত মৰহুমৰ জানাজাৰ নামাজ ডবকা গাছতলাৰ কেন্দ্ৰীয় কবৰস্থানত আদায় কৰা হব। ডবকাত ক্বাজী হিচাপে পৰিচিত ছামানৰ মৃত্যুত হোজাই জিলাত শোকৰ ছা বিৰাজ কৰিছে । মৃত্যুৰ সময়ত ক্বাজীজনৰ বসয় আছিল ৫৮ বছৰ। চাৰি গৰাকী কন্যা, এজন পুত্ৰ আৰু সহধৰ্মিনীসহ বহু আত্মীয় স্বজনক ইহ সংসাৰত এৰি থৈ যায়। চামান আলীৰ মৃত্যুত ডবকাৰ দল সংগঠনেও শোক প্ৰকাশ কৰাৰ লগতে বিদেহী আত্মাৰ চিৰশান্তি কামনা কৰি শোকসন্তপ্ত পৰিয়াৰবৰ্গলৈ সমবেদনা জ্ঞাপন কৰে ৷
