‘পুৰুষতকৈ নাৰী বুদ্ধিমান!’ ড’নাল্ড ট্ৰাম্পৰ এই ব্যাখ্যাই হাঁহিৰ খোৰাক যোগাইছে, ট্ৰাম্প প্ৰশাসনত কেইবাটাও গুৰুত্বপূৰ্ণ পদত অধিষ্ঠিত মহিলা। যেনে প্ৰেছ সচিব কেৰ’লিন লিভিট, এটৰ্নী জেনেৰেল পেম বণ্ডি, মুখ্য কৰ্মচাৰী চুজি ৱাইলছ।(Donald Trump)
নাৰী কি? এগৰাকী সাংবাদিকৰ প্ৰশ্নৰ উত্তৰত আমেৰিকাৰ ৰাষ্ট্ৰপতি ড’নাল্ড ট্ৰাম্পে হাঁহিৰ খোৰাক যোগালে। কেৱল সেয়াই নহয়, সমাজত পুৰুষ-মহিলাৰ মাজত থকা অবিৰত ব্যৱধানৰ কথাও তেওঁ কয়।
ট্ৰাম্পে নিউ জাৰ্চিত আমেৰিকাৰ এটৰ্নী আলিনা হাবাৰৰ শপত গ্ৰহণ অনুষ্ঠানত অংশগ্ৰহণ কৰিবলৈ গৈছিল। তাত এগৰাকী সাংবাদিকে নাৰীৰ বিষয়ে জানিব বিচাৰে। তেওঁৰ আৰু এটা প্ৰশ্ন আছিল, “পুৰুষ আৰু মহিলাৰ পাৰ্থক্য বুজাটো কিয় গুৰুত্বপূৰ্ণ?” সেই প্ৰশ্নৰ উত্তৰত ট্ৰাম্পে কয় যে, “এগৰাকী মহিলা হ’ল এনে এগৰাকী ব্যক্তি যিয়ে কিছুমান বিশেষ পৰিস্থিতিত সন্তান জন্ম দিব পাৰে।” পুৰুষতকৈ তেওঁ বহুত বেছি বুদ্ধিমান।” লগতে তেওঁ কয়, “এগৰাকী মহিলাই এজন পুৰুষক সফল হোৱাৰ সুযোগো নিদিয়ে!” মহিলাৰ বিষয়ে ট্ৰাম্পৰ ব্যাখ্যা শুনি সাংবাদিক আৰু উপস্থিত সকলোৰে হাঁহে।
মন কৰিবলগীয়া যে ট্ৰাম্প প্ৰশাসনত মহিলাসকলে কেইবাটাও গুৰুত্বপূৰ্ণ পদবীত অধিষ্ঠিত হৈ আছে। যেনে প্ৰেছ সচিব কেৰ’লিন লিভিট, এটৰ্নী জেনেৰেল পেম বণ্ডি, মুখ্য কৰ্মচাৰী চুজি ৱাইলছ। ট্ৰাম্পে প্ৰায়ে মহিলাক গুৰুত্বপূৰ্ণ প্ৰশাসনিক পদত নিযুক্তি দিয়াক অগ্ৰাধিকাৰ দিয়া দেখা যায়। সেইবাবেই ট্ৰাম্পক মহিলাৰ বিষয়ে প্ৰশ্ন সোধা হৈছিল।
ট্ৰাম্প প্ৰশাসনে আমেৰিকাত তৃতীয় লিংগক মহিলা ক্ৰীড়াৰ পৰা নিষিদ্ধ কৰাৰ কথা ঘোষণা কৰে। নিউ জাৰ্চিত এখন সংবাদমেলত সেই বিষয়টোও উত্থাপন কৰিছিল আমেৰিকাৰ ৰাষ্ট্ৰপতিগৰাকীয়ে। লগতে তেওঁ কয়, “বহু ক্ষেত্ৰত মহিলাৰ লগত অন্যায় ব্যৱহাৰ কৰা হৈছে।” পুৰুষে (তৃতীয় লংগ) মহিলা ক্ৰীড়াত প্ৰতিদ্বন্দ্বিতা কৰিব পৰাটো কেৱল হাস্যকৰ নহয়, অন্যায়ও। যিটো নাৰীৰ প্ৰতি অসন্মান আৰু অপমানজনক।