ঠাণ্ডাৰ সময়ত ওঁঠ শুকান হোৱাটো অতি সাধাৰণ কথা। এই সমস্যাৰ পৰা মুক্তি পাবলৈ আমি বেছিভাগেই লিপ বাম আৰু মইশ্ব’ৰাইজাৰৰ সহায়ত ওঁঠযুৰি হাইড্ৰেটেড কৰি ৰাখোঁ, কিন্তু আমি ছালৰ মৃত কোষবোৰ আঁতৰাবলৈ পাহৰি যাওঁ।(Dry Lips Remedies)
শীতকাল ওচৰ চাপি অহাৰ লগে লগে আমাৰ ছালখন শুকান হয় আৰু ফাটি যায়। এই বতৰত ওঁঠ শুকান হোৱাটো অতি সাধাৰণ কথা। এই ঋতুত ছাল ফাটিবলৈ আৰম্ভ কৰে।(winter season)সেয়েহে আমি মাজে মাজে ওঁঠযুৰি ধুই লোৱা উচিত, আজি আমি আপোনালোকক শীতকালত শুকান ওঁঠৰ পৰা মুক্তি পাবলৈ আৰু ওঁঠ (lips)কোমল কৰি ৰখাৰ ঘৰুৱা উপায়ৰ বিষয়ে ক’ম, যাতে এই ঠাণ্ডাত ওঁঠযুৰি কোমল কৰি ৰাখিব পাৰে-
১) চিনামন লিপ স্ক্ৰাব
এটা বাটিত আধা চামুচ ডালচেনিৰ গুড়ি, আধা চামুচ মৌ আৰু আধা চামুচ অলিভ অইল দি ভালদৰে মিহলাই লওক। তাৰ পিছত এই পেষ্ট ওঁঠত লগাই কোমল হাতেৰে কিছু সময় মালিচ কৰিব। ওঁঠৰ মৰা ছাল আঁতৰাই ওঁঠযুৰি ধুনীয়া দেখা যাব।
২) বাবলগাম লিপ স্ক্ৰাব
এই স্ক্ৰাব বনাবলৈ এচামুচ ষ্ট্ৰবেৰী, আধা চামুচ অলিভ অইল আৰু দুটোপাল গোলাপী ফুড কালাৰ মিহলাই লওক। এই সকলোবোৰ মিহলাই পেষ্ট বনাই ওঁঠত স্ক্ৰাবাৰ হিচাপে ব্যৱহাৰ কৰক। ওঁঠযুৰি হাইড্ৰেটেড আৰু কোমল হৈ পৰিব।
৩) কফি লিপ স্ক্ৰাব
এইটো বনাবলৈ এটা বাটিত এক চামুচ কফি পাউদাৰ আৰু এচামুচ মৌ মিহলাই লওক। এতিয়া একমিনিটৰ বাবে ওঁঠত মালিচ কৰি পৰিষ্কাৰ পানীৰে ধুব। এনে কৰিলে ওঁঠযুৰি কোমল হৈ থাকিব।
৪.নাৰিকল তেল আৰু মৌ লিপ স্ক্ৰাব
এই স্ক্ৰাবটো বনাবলৈ এটা বাটিত এচামুচ নাৰিকল তেল, এচামুচ মৌ, দুচামুচ ব্ৰাউন চুগাৰ আৰু আধা চামুচ কুহুমীয়া পানী দি ভালদৰে মিহলাই লওক। তাৰ পিছত এই মিক্সাৰ ব্যৱহাৰ কৰি ওঁঠ স্ক্ৰাব কৰক, এই উপাদানসমূহত এন্টিঅক্সিডেন্ট, ফেটি এচিড আৰু হিলিং প্ৰপাৰ্টি থাকে, যিয়ে আপোনাৰ ওঁঠ কোমল কৰাত সহায় কৰে।