ওদালগুৰি জিলা ভেৰগাঁও টটলাপাৰাত ভয়ংকৰ বাছ দুৰ্ঘটনা।গুৰুতৰ ভাৱে আহত ৭ গৰাকী আৰোহী,চালকৰ অতপালিত দ খাৱৈত পৰিল চলন্ত বাছ।প্ৰাপ্ত তথ্য অনুসৰি আজি পুৱাৰ ভাগত ওদালগুৰি জিলা ডিমাকুছি চহৰৰ পৰা “ছালমা” নামৰ বাছ খনে যাত্ৰীসহ ডিমাকুছি-ভেৰগাঁও পথৰে আহি থকা অৱস্থাত, ভেৰগাঁও টটলাপাৰাত বাছখন নিয়ন্ত্ৰণ হেৰুৱাই দ খাৱৈত পৰে ফলত ৭ গৰাকী যাত্ৰী গুৰুতৰভাৱে আহত হয়। চালক জনৰ অতপালিত এই দুৰ্ঘটনা সংঘটিত হোৱা বুলি যাত্ৰী সকলৰ অভিযোগ। এহাতেৰে ফোন চাই এহাতেৰে গাড়ী চলোৱাৰ বাবে এই দুৰ্ঘটনা পতিত হোৱা বুলি যাত্ৰী সকলৰ অভিযোগ।
এতিমধ্যে ঘটনাস্থলীত আৰক্ষী উপস্থিত হৈ আহত যাত্ৰীক চিকিৎসালয়লৈ প্ৰেৰণ কৰে,বাছ খনৰ চালক বৰ্তমান পলাতক অৱস্থাত।