দিছপুৰ সমষ্টিৰ অন্তৰ্গত পানীখাইতি অঞ্চলৰ হাতীশিলা মন্দিৰৰ দাঁতিকাষৰীয়া অঞ্চলত ব্ৰহ্মপুত্ৰ নদীয়ে বিগত কিছু সময় ধৰি ভয়াবহ খহনীয়াৰ সৃষ্টি কৰি আহিছিল। যোৱা জানুৱাৰী মাহৰ ২৮ তাৰিখে জলসম্পদ বিভাগৰ অভিযন্তা তথা বিষয়া সকলৰ সৈতে এই পৰিদৰ্শন কৰি শীঘ্ৰে এই খহনীয়া প্ৰতিৰোধৰ ব্যৱস্থা গ্ৰহণ কৰিবলৈ জলসম্পদ বিভাগক নিৰ্দেশ প্ৰদান কৰে মন্ত্ৰী পীয়ূষ হাজৰিকাই।
আজি পুনৰ এই স্থানত উপস্থিত হৈ পৰ্যবেক্ষণ কৰে মন্ত্ৰীগৰাকীয়ে। জলসম্পদ বিভাগৰ তৎপৰতাত এই স্থানত বৰ্তমান খহনীয়া ৰোধ কৰিবলৈ সক্ষম হৈছোঁ বুলিও মন্তব্য কৰে পীয়ূষ হাজৰিকাই। প্ৰায় ১৪.৫ কোটি টকা ব্যয়েৰে SOPD – G আঁচনিৰ অধীনত নিৰ্মিত এই বান্ধৰ ফলত নাৰেঙ্গী-পবিতৰা সংযোগী পথটোয়ো সুৰক্ষিত হৈ পৰিছে কয় মন্ত্ৰাগৰাকীয়ে।