মহাৰাষ্ট্ৰৰ বিদায়ী মুখ্যমন্ত্ৰী একনাথ শিণ্ডে অসুস্থ। বিধানসভা নিৰ্বাচনত জয়ী হোৱাৰ পিছত দিল্লীত কেন্দ্ৰীয় গৃহমন্ত্ৰীৰ সৈতে এক বৈঠকত মিলিত হৈছিল শিণ্ডে। তাৰ পৰা তেওঁ পোনে পোনে সতৰাৰ গাঁৱৰ ঘৰলৈ গৈছিল মুখ্যমন্ত্ৰীগৰাকী। খবৰ অনুসৰি যোৱা দুদিন ধৰি তেওঁ জ্বৰত ভুগি আছে। ডিঙিত সংক্ৰমণো হৈছে। চিকিৎসকে ঘৰতে চিকিৎসা কৰি আছে মুখ্যমন্ত্ৰীগৰাকীক।(Eknath Shinde)
মহাৰাষ্ট্ৰ বিধানসভা নিৰ্বাচনৰ ফলাফল স্পষ্ট হোৱাৰ পিছৰে পৰা মুখ্যমন্ত্ৰী পদক লৈ জল্পনা-কল্পনাৰ সৃষ্টি হৈছে। মহাৰাষ্ট্ৰত বিজেপি-শিন্দেসেনা-এনচিপি (অজিত পাৱাৰ)ৰ মিত্ৰজোঁটে সংখ্যাগৰিষ্ঠতা লাভ কৰে। কিন্তু নতুন চৰকাৰৰ মুখ্যমন্ত্রী কোন হ’ব সেয়া এতিয়াও স্পষ্ট হোৱা নাই৷ শিন্দেক মুখ্যমন্ত্ৰী পদত ৰখা হ’ব নে নাই জল্পনা-কল্পনাৰ সৃষ্টি হৈছে। শনিবাৰে অজিত পাৱাৰে কয় যে এইবাৰ বিজেপিয়ে মহাৰাষ্ট্ৰৰ মুখ্যমন্ত্ৰীৰ পদ নিজৰ হাতত ৰাখিছে। অৰ্থাৎ শিন্দে যে মুখ্যমন্ত্ৰী নহ’ব সেয়া নিশ্চিত। এনে খবৰৰ মাজতে সতৰাত শিন্দেৰ অসুস্থতাৰ খবৰ আহে।(fever)
যোৱা দুদিন ধৰি একনাথ শিন্দে জ্বৰত ভুগি আছে। ডিঙিৰ সংক্ৰমণেও কথা কোৱাত অসুবিধাৰ সৃষ্টি কৰে। তেওঁক এন্টিবায়টিক দিয়া হৈছে। প্ৰয়োজন অনুসৰি চেলাইনো প্ৰয়োগ কৰা হৈছিল। শিণ্ডেক সম্পূৰ্ণ সুস্থ হ’বলৈ আৰু দুই-তিনি দিনৰ প্ৰয়োজন হ’ব বুলি চিকিৎসকে জানিবলৈ দিয়ে। এতিয়াও জ্বৰৰ পাৰ্শ্বক্ৰিয়া আছে। তিনি-চাৰিজনীয়া চিকিৎসা দলে তেওঁক পৰ্যবেক্ষণত ৰাখিছে।