সকলো ৰাজনৈতিক দলক জৰীপৰ নামত নিৰ্বাচনোত্তৰ আঁচনিৰ বাবে ভো্যাৰক প্ৰলোভিত কৰিব পৰা বিজ্ঞাপন প্ৰকাশত নাকীলগালে নিৰ্বাচন আয়োগে৷ ভাৰতীয় নিৰ্বাচন আয়োগে আজি এক বিবৃতিত কয় যে ৰাজনৈতিক দল আৰু প্ৰাৰ্থীসকলে তেওঁলোকৰ প্ৰস্তাৱিত হিতাধিকাৰী আঁচনিৰ বাবে জৰীপৰ নামত ভোটাৰৰ বিৱৰণ বিচৰাটো জনপ্ৰতিনিধিত্ব আইন, ১৯৫১ ৰ অধীনত উৎকোচ দিয়াৰ দৰে এক প্ৰথা বুলি গণ` কৰা হয়। ইয়াত কোৱা হৈছে, “নিৰ্বাচনোত্তৰ হিতাধিকাৰী আঁচনিয়ে ব্যক্তিসকলক পঞ্জীয়ন কৰা, বৈধ জৰীপ আৰু পক্ষপাতিত্বমূলক প্ৰচেষ্টাৰ মাজৰ ৰেখাবোৰ অস্পষ্ট কৰি তুলিছে”। আয়োগে কয় যে নিৰ্বাচনৰ পিছৰ লাভালাভৰ বাবে নাম পঞ্জীয়ন কৰিবলৈ জনোৱা আমন্ত্ৰণ/আহ্বান নিৰ্বাচনক পংকিল কৰি তুলি৷ নিৰ্বাচনৰ পিছত কি দিব সেই বিষয়ে সেয়ে কোনো ৰাজনৈতিক দলে বিজ্ঞাপন প্ৰকাশ কৰিব নোৱাৰিব৷ এনে বিজ্ঞাপনে প্ৰলোভন সৃষ্টি কৰিব বুলিও বিবৃতিটোত কোৱা হৈছে।
নিৰ্বাচনী সংস্থাটোৱে কয় যে যদিও সাধাৰণ নিৰ্বাচনী প্ৰতিশ্ৰুতি দিয়াত বাধা নাই, তথাপি ৰাজনৈতিক লাভৰ বাবে লোকসকলক নামভৰ্তি কৰাৰ নামত জৰীপ চলোৱা আৰু প্ৰলোভিত কৰা্যো মানি ল‘ব নোৱাৰি৷ নিৰ্বাচন আয়োগে তেনে কাৰ্যকলাপবোৰ ব্যাখ্যা কৰিবলৈ উদাহৰণৰ এখন তালিকাও প্ৰকাশ কৰিছে৷ সেইমৰ্মে বাতৰি কাকতত প্ৰলোভন দি বিজ্ঞাপন দিয়া, ব্যক্তিগত ভোটাৰসকলক মোবাইলত মিছকল দিয়া বা গেৰাণ্টি কাৰ্ডৰ প্ৰত্যাশিত ব্যক্তিগত লাভালাভৰ বিৱৰণ প্ৰদান কৰা , ভোটাৰৰ বিৱৰণ বিচাৰি এক সংলগ্ন প্ৰপত্ৰত পূৰণৰ জৰিয়তে নাম পঞ্জীয়ন কৰিবলৈ আহ্বান জনোৱা, । বয়স, ঠিকনা, ম’বাইল নম্বৰ, বুথ নম্বৰ,নাম, ৰেচন কাৰ্ড নম্বৰ, ঠিকনা, ফোন নম্বৰ, বেংক একাউণ্ট নম্বৰ, সমষ্টিৰ নাম আৰু নম্বৰ আদি আঁচনি দিম বুলি ভোটাৰসকলৰ পৰা বিচৰা ইত্যাদি। আয়োগে জিলা নিৰ্বাচন বিষয়াসকলক এনে ধৰণৰ যিকোনো কামৰ বাবে ব্যৱস্থা গ্ৰহণ কৰিবলৈ কৈছে ৷
বিজেপিয়ে কৈ আহিছে যে কংগ্ৰেছ কৰ্মীসকলে দলৰ লাভালাভৰ বাবে পৰিয়ালবোৰক “গেৰাণ্টি কাৰ্ড” বিতৰণ কৰি আছে। বিজেপিয়ে কয় যে এনে ধৰণৰ পদক্ষেপ ভোটাৰক প্ৰলোভিত কৰিব৷