মণিপুৰ বিধানসভা নিৰ্বাচন ২০২২ৰ প্ৰথম পৰ্যায়ৰ ভোটগ্ৰহণ চলি থকাৰ মাজতে সোমবাৰে ৰাজ্যখনত হিংসাত্মক ঘটনা সংঘটিত হোৱাৰ কথা জানিব পৰা গৈছে৷ ৰাজ্যখনত ভোটগ্ৰহণ প্ৰক্ৰিয়া আৰম্ভ হোৱাৰ কেইঘণ্টামানৰ পাছত দুটাকৈ স্থানত বিক্ষিপ্ত ঘটনা সংঘটিত হয়৷
মণিপুৰৰ কেইবাটাও সমষ্টিত ভোটগ্ৰহণ চলি থকাৰ মাজতেই শিলগুটি নিক্ষেপ আৰু গুলীচালনাৰ খবৰ পোৱা গৈছে। আনহাতে কাংপোকপি জিলাৰ নিউ কিথেলমানবি সমষ্টিতো কংগ্ৰেছ আৰু বিজেপি কৰ্মীৰ মাজত সংঘৰ্ষৰ সূত্ৰপাত হোৱাত ভোটগ্ৰহণ প্ৰক্ৰিয়াত ব্যাহত হয় ৷ জানিব পৰা মতে বুথ দখলৰ অভিযোগত সূত্ৰপাত হৈছিল এই সংঘৰ্ষৰ ।