জামুগুৰিহাট, ২৬নৱেম্বৰ: কেন্দ্ৰীয় চৰকাৰে নতুনকৈ প্ৰণয়ন কৰিবলৈ লোৱা বিদ্যুৎ আইনৰ বিৰুদ্ধে আজি প্ৰতিবাদ সাব্যস্ত কৰে শোণিতপুৰ জিলাৰ জামুগুৰি বিদ্যুৎ উপসংমণ্ডৰ বিষয়া কৰ্মচাৰী সকলেও । নতুন বিদ্যুৎ আইন অনুসৰি সমগ্ৰ বিদ্যুৎ খণ্ডটো যিহেতু ব্যক্তিগত কৰণ কৰিবলৈ লোৱা হৈছে তাৰ ফলত বিদ্যুৎ বিভাগৰ বিষয়া কৰ্মচাৰী ক্ষতিগ্ৰস্ত হোৱাৰ সামন্তৰালকৈ গ্ৰাহক ৰাইজো বিপদৰ সন্মুখীন হ’ব কিয়নো ইয়াৰ ফলত গ্ৰাহক ৰাইজে অত্যাধিক হাৰত বিদ্যুৎ মাচুল প্ৰৰিশোধ কৰিব লাগিব । দিল্লীৰ অৰবিন্দ কেজৰিৱাল চৰকাৰখনে যিহেতু এই আইনৰ বিৰোধিতা কৰিছে গতিকে অসম চৰকাৰে কেন্দ্ৰীয় চৰকাৰৰ এই জনবিৰোধী নতুন বিদ্যুৎ আইনৰ বিৰোধিতা কৰিবলৈ বিদ্যুৎ উপসংমণ্ডটোৰ কৰ্মচাৰী সকলে দাবী জনাইছে । পুৱা ১০বজাৰ পৰা বিয়লি ৩বজালৈ বিদ্যুৎ বিভাগৰ কাৰ্য্যালয়ত কৰ্মচাৰীসকলে প্ৰতিবাদ সাব্যস্ত কৰে ।
