প্ৰতি বছৰে ‘কৃত্ৰিম গৰ্ভ’ৰ জৰিয়তে পৰীক্ষাগাৰত ৩০ হাজাৰ সন্তান জন্ম হ’ব, এই পৰিকল্পনা কি? অভিভাৱকে পৰ্দাৰ জৰিয়তে পডবোৰ নিৰীক্ষণ কৰিব পাৰিব যাতে তেওঁলোকে নিজৰ শিশুটিৰ বৃদ্ধি আৰু বিকাশ চাব পাৰে। এই তথ্যসমূহ ফোনত এপৰ জৰিয়তেও নিৰীক্ষণ কৰিব পাৰি।মানৱ জীৱনত বহু আগতেই মেচিন আৰু গেজেটৰ গুৰুত্ব প্ৰতিষ্ঠা কৰা হৈছে। ভৱিষ্যতে মেচিনৰ জৰিয়তে কি হ’ব পাৰে সেয়া অনুমান কৰাটো কঠিন। এনে এটা অবিশ্বাস্য যেন লগা দাবী কৰিছিল বিজ্ঞানৰ যোগাযোগকাৰী তথা ভিডিঅ’ প্ৰযোজক হাচেম আল গাইলীয়ে। যাৰ মতে এতিয়া কৃত্ৰিম গৰ্ভৰ জৰিয়তে সন্তান জন্ম হ’ব। মাতৃগৰাকীয়ে গৰ্ভধাৰণ কৰাৰ প্ৰয়োজন নাথাকিব, প্ৰসৱ বা অপাৰেচনৰ সময়তো বিষৰ পৰা মুক্তি পাব।
‘বিশ্বৰ প্ৰথম কৃত্ৰিম প্ৰজনন সুবিধা’ এক্ট’লাইফ এতিয়াৰ বাবে মাত্ৰ এটা ধাৰণা। ই অভিভাৱকসকলক নিজৰ ইচ্ছা অনুসৰি সন্তান উৎপাদন কৰাৰ উপায় প্ৰদান কৰে। ইয়াৰ ৱেবছাইট অনুসৰি এই ধাৰণাটো বাৰ্লিনস্থিত হাচেম আল-গাইলীৰ মগজুৰ সৃষ্টি।
‘এবছৰত ৩০ হাজাৰ শিশুৰ বিকাশ সাধন কৰিবলৈ সক্ষম’।
আল-গাইলীয়ে কয় যে এক্ট’লাইফৰ ধাৰণাটো বিশ্বৰ গৱেষকসকলে পঞ্চাশ বছৰীয়া ‘অভূতপূৰ্ব বৈজ্ঞানিক গৱেষণা’ৰ ওপৰত ভিত্তি কৰি গঢ় লৈ উঠিছে। ইয়াৰ দ্বাৰা বছৰি ৩০ হাজাৰ শিশুক এটা পৰীক্ষাগাৰত স্বচ্ছ ‘বৃদ্ধিৰ গুটি’ত বৃদ্ধি কৰিব পৰা যাব।
এক্ট’লাইফৰ সুবিধাটো নবীকৰণযোগ্য শক্তিৰে চলিব, যাৰ অধীনত ৭৫টা পৰীক্ষাগাৰ নিৰ্মাণৰ পৰিকল্পনা কৰা হৈছে। এটা পৰীক্ষাগাৰত ৪০০ টা বৃদ্ধিৰ গুটি বা কৃত্ৰিম জৰায়ু থাকিব।
পিতৃ-মাতৃয়ে শিশুটিৰ ওপৰত চকু ৰাখিব পাৰিব
মাতৃৰ গৰ্ভত থকা পৰিৱেশৰ দৰে পৰিৱেশৰ সৃষ্টি কৰিব পৰাকৈ এই গুটিবোৰ ডিজাইন কৰা হৈছে। পিতৃ-মাতৃয়ে পডত থকা পৰ্দাৰ জৰিয়তে সন্তানৰ বৃদ্ধি আৰু বিকাশ নিৰীক্ষণ কৰিব পাৰিব। এই তথ্য ফোনত থকা এপৰ জৰিয়তেও নিৰীক্ষণ কৰিব পাৰি।
সংবাদ মাধ্যমৰ বাতৰি অনুসৰি আল-গাইলীয়ে কয় যে, ‘কৃত্ৰিম বুদ্ধিমত্তা ভিত্তিক ব্যৱস্থাই শিশুটিৰ শাৰীৰিক বৈশিষ্ট্যসমূহো নিৰীক্ষণ কৰিব আৰু যিকোনো সম্ভাৱ্য জিনীয় অস্বাভাৱিকতাৰ খবৰ দিব।’
‘এক্ট’লাইফে আপোনাক মানসিক চাপ নোহোৱাকৈ প্ৰসৱ কৰাত সহায় কৰিবলৈ এটা নিৰাপদ, বিষমুক্ত বিকল্প প্ৰদান কৰিব,’ আল-গাইলীয়ে কয় বাস্তৱতা.