ছিপাঝাৰ :
ছিপাঝাৰৰ মাজমজিয়াতেই মটৰ ষ্টেচনৰ সমীপত যোৱা ৫ জুন, ২০২০ তাৰিখে পৰিৱেশ দিবসৰ লগত সংগতি ৰাখি কলা আৰু বিজ্ঞান শাখাৰ এখন নতুন জুনিয়ৰ কলেজ Excel Academy নামেৰে স্থাপিত হয়। অসমৰ কেম্ব্ৰিজখ্যাত ছিপাঝাৰক উচ্চ শিক্ষাৰ স্থলী হিচাপে গণ্য কৰি অহা হৈছে। ইয়াতেই বহুকেইখন বিদ্যালয়, মহাবিদ্যালয় গঢ় লৈ উঠাৰ সময়তে সম্পূৰ্ণ বিজ্ঞানসন্মত আৰু আধুনিক সময়ৰ লগত ফেৰ মাৰিব পৰাকৈ কাৰিকৰীভাবে শক্তিশালী কৰি ছাত্ৰ-ছাত্ৰীক শিক্ষা প্ৰদান কৰোৱাই Excel Academy ৰ উদ্দেশ্য। কলা আৰু বিজ্ঞান দুয়োটা শাখাতেই ১০০ খনকৈ আসন থকা কলেজখনত বিজ্ঞান শাখাৰ বাবে অসমীয়া আৰু ইংৰাজী দুয়োটা মাধ্যমৰ বাবে সূকীয়াকৈ শিক্ষা প্ৰদানৰ ব্যৱস্থা আছে। এইখিনিতে স্মৰ্তব্য যে ইতিমধ্যে কলেজখনত নামভৰ্ত্তিৰ বাবে হেতাউপৰা লগাৰ সময়তে অঞ্চলটিৰ চুকে কোণে থকা অতি মেধাৱী তথা অতি দুখীয়া ১০ জনকৈ ছাত্ৰ-ছাত্ৰীক সম্পূৰ্ণ বিনামূলীয়া শিক্ষা প্ৰদান কৰি সকলোৰে দৃষ্টি আকৰ্ষণ কৰিবলৈ সক্ষম হৈছে। ৯০ শতাংশ তথা ততোধিক নম্বৰ লাভ কৰিবলৈ সক্ষম হোৱা তথা দৰিদ্ৰতাই জুৰুলা কৰা ছাত্ৰ-ছাত্ৰীক কৰা এই সহায়ৰ বাবে অভিভাৱক, ছাত্ৰ-ছাত্ৰী তথা অঞ্চলটিত ৰাইজে Excel Academy ৰ এই কাৰ্যৰ ভূয়সী প্ৰশংসা কৰিছে।
